Jogulamba Gadwal: మనిషి ఆకారంలో వింత పురుగు.. చూసి ఆశ్చర్యపోతున్న జనం

Jogulamba Gadwal: మనిషి ఆకారం, పోలికలతో ఉన్న ఓ వింత పురుగు ఇప్పుడు ఆసక్తికరంగా మారింది. అచ్చం మనిషి ఉన్నట్లే ఈ విచిత్ర పురుగుకు కూడా శరీర భాగాలు ఉండటం చర్చనీయాంశంగా మారింది. మనిషిలాగే కళ్లు, ముక్కు, నోరు, తల ఉన్నాయి. ఈ వింత పురుగు జోగులాంబ గద్వాల జిల్లాలో దర్శనమిచ్చింది. మనిషికి ఉన్నట్లే శరీర భాగాలు ఉండటంతో స్థానికులు ఈ వింత పురుగుని చూసి ఆశ్చర్యానికి గురవుతున్నారు. ఇలాంటి పురుగును ఇప్పటివరకు ఎక్కడా చూడలేదని చెబుతున్నారు.ఈ వింత పురుగు గద్వాల మండలం చెనుగొనిపల్లి గ్రామంలో కనిపించింది. గ్రామంలోని హలీం పాషా ఇంటి ఆవరణలో ఉన్న చెట్టు దగ్గర ఇది దర్శనమిచ్చింది. అచ్చం మనిషి రూపాలతో ఈ పురుగు ఉండటంతో గ్రామస్తులు అందరూ చూసేందుకు ఎగబడ్డారు. ఈ పురుగును చూసి ఆశ్చర్యానికి గురవుతున్నారు. కళ్ళు, ముక్కు, నోరు, తలభాగం మనిషికి ఉన్నట్లే ఉండటంతో ఆసక్తిగా చూశారు. అయితే గతంలో కూడా ఇలాంటి మనిషి ఆకారంలో ఉండే వింత పురుగు ఒకటి గద్వాల పట్టణంలో కనిపించిందని స్థానికులు చెబుతున్నారు. ఇప్పుడు కూడా అలాంటి ఆకారంలో ఉన్న మరో పురుగు కనిపించిందని అంటున్నారు.

15 సంవత్సరాల కిందట గద్వాల పట్టణంలోని శేర్లి వీధికి చెందిన ఒక వ్యక్తికి ఇలాంటి మనిషి శరీర భాగాలను పోలి ఉన్న ఒక పురుగు కనిపించిందని స్థానికులు చెబుతున్నారు. తెల్లవారుజామున టీ తాగేందుకు బయటకు వచ్చిన సమయంలో అప్పట్లో ఇలాంటి వింత పురుగే కనిపించిందని, అది చూసి అప్పట్లో ఆశ్చర్యపోయారని గుర్తు చేస్తోన్నారు. ఇప్పుడు మళ్లీ అలాంటి పోలికల గల పురుగు కనిపించడం స్థానికంగా చర్చకు దారి తీసింది.

• Read More Telangana News And Telugu News