టీఆర్ఎస్ అధికారంలోకి వచ్చాక అవినీతి, అరాచకాలు పెరిగిపోయాయని ప్రజలు అవస్థలు పడుతున్నారని బీజేపీ స్టేట్ చీఫ్ బండి సంజయ్ అన్నారు. సంజయ్ ప్రజా సంగ్రామ యాత్ర 18వ రోజు ఆదివారం నారాయణపేట జిల్లా నారాయణపేట మండలంలోని కొల్లంపల్లి, లింగంపల్లి గేట్‌, ధన్వాడలో కొనసాగింది. పేదల కష్టాలను తొలగించి సేవ చేసేందుకు బీజేపీకి అధికారమివ్వాలని కోరారు. టీఆర్ఎస్ ఆగడాలు పెరిగిపోయాయని, ఆ పార్టీలో చేరాలని బీజేపీ కార్యకర్తలు, నాయకులపై ఒత్తిడి తెస్తున్నారని ఆరోపించారు.
అనంతరం లింగంపల్లి స్టేజీ వద్ద ఎస్టీ (లంబాడీ) సంఘం నాయకులతో సంజయ్ భేటీ అయ్యారు. తమకు 12 శాతం రిజర్వేషన్‌ ఇస్తామని చెప్పి ముఖ్యమంత్రి కేసీఆర్ మోసం చేశారని గిరిజనులు అన్నారు. రాష్ట్రంలో బీజేపీ ప్రభుత్వం వచ్చాక గిరిజనుల రిజర్వేషన్లను పెంచే అంశంపై నిర్ణయం తీసుకుంటామని సంజయ్ హామీ ఇచ్చారు. ఈ నెల 5న మహబూబ్‌నగర్‌లో నిర్వహించే బహిరంగ సభను కనీవినీ ఎరగని రీతిలో విజయవంతం చేయాలని పార్టీ శ్రేణులకు బండి సంజయ్ పిలుపునిచ్చారు. కార్యక్రమానికి బీజేపీ జాతీయ అధ్యక్షుడు జేపీ నడ్డా ముఖ్య అతిథిగా హాజరవుతారని వెల్లడించారు. పాదయాత్ర మధ్యాహ్న భోజన శిబిరం వద్ద ఉమ్మడి జిల్లా నేతలతో ఆయన సమావేశం నిర్వహించారు.
అనంతరం లింగంపల్లి స్టేజీ వద్ద ఎస్టీ (లంబాడీ) సంఘం నాయకులతో సంజయ్ భేటీ అయ్యారు. తమకు 12 శాతం రిజర్వేషన్‌ ఇస్తామని చెప్పి ముఖ్యమంత్రి కేసీఆర్ మోసం చేశారని గిరిజనులు అన్నారు. రాష్ట్రంలో బీజేపీ ప్రభుత్వం వచ్చాక గిరిజనుల రిజర్వేషన్లను పెంచే అంశంపై నిర్ణయం తీసుకుంటామని సంజయ్ హామీ ఇచ్చారు. ఈ నెల 5న మహబూబ్‌నగర్‌లో నిర్వహించే బహిరంగ సభను కనీవినీ ఎరగని రీతిలో విజయవంతం చేయాలని పార్టీ శ్రేణులకు బండి సంజయ్ పిలుపునిచ్చారు. కార్యక్రమానికి బీజేపీ జాతీయ అధ్యక్షుడు జేపీ నడ్డా ముఖ్య అతిథిగా హాజరవుతారని వెల్లడించారు. పాదయాత్ర మధ్యాహ్న భోజన శిబిరం వద్ద ఉమ్మడి జిల్లా నేతలతో ఆయన సమావేశం నిర్వహించారు.