Nagarkurnool: కన్న తల్లి పట్ల కూతురు కర్కషత్వం.. పెన్షన్ డబ్బుల కోసం విచక్షణారహితంగా దాడి

Nagarkurnool: నాగర్ కర్నూల్ జిల్లాలో అమానుష ఘటన చోటు చేసుకుంది. మానవత్వం మరిచిన ఓ కూతురు తాగుడుకు బానిసై.. కనిపెంచిన కన్నతల్లి పట్ల కూర్రంగా ప్రవర్తించింది. తల్లిపై విచక్షణారహితంగా దాడి చేసింది. అందుకు సంబంధించిన వీడియోలు సోషల్ మీడియాలో వైరల్‌గా మారాయి. వివరాల్లోకి వెళితే.. చంద్రమ్మ (70) అనే వృద్ధురాలు నాగర్ కర్నూల్ జిల్లా కేంద్రంలో నివాసం ఉంటున్న తన కూతురు వద్ద ఉంటుంది. తాగాడుకు బానిసైన కూతురు ప్రభుత్వం ఇస్తున్న వృద్ధాప్య పెన్షన్ డబ్బులు తనకు ఇవ్వకపోవడంతో తల్లిపై ఆగ్రహం వ్యక్తం చేసింది. నడి బజారులో తల్లిపై విచక్షాణరహితంగా దాడి చేసింది. ఆవేశంతో ఊగిపోతూ వృద్ధురాలైన తల్లిని తీవ్రంగా కొట్టింది. చంద్రమ్మ వద్ద నున్న పెన్షన్ డబ్బులతో పాటు ఆమె ఒంటిపై ఉన్న వెండి ఆభరణాలను లాక్కొంది. చుట్టుపక్కల వారు వద్దని వారిస్తే వారిని తీవ్ర పదజాలంతో దుర్భాషలాడింది. తిట్ల పురాణం అందుకుంది. వీడియో తీసి పోలీసులకు ఫిర్యాదు చేస్తామని కొందరు స్థానిక యువకులు హెచ్చరించినా ఆమె శాంతించలేదు. 'నా తల్లి, నాఇష్టం ఏమైనా చేసుకుంటా.. ఎవరికి చెప్పుకుంటారో చెప్పుకోండి' అంటూ నిర్లక్ష్యంగా సమాధానం ఇచ్చింది. వృద్దురాలిపై దాడి చేసే ముందు ఆమె భర్త పక్కనే ఉన్నా... వద్దని వారించలేదు. నవమాసాలు కని పెంచి పోషించిన తల్లి పట్ల కూతురు వ్యవహరించిన తీరుపై స్థానికులు మండిపడుతున్నారు.

• Read More Telangana News and Telugu News