అమ్మాయిలను లోబరుచుకుంటున్న టీచర్.. తన ఫ్రెండ్స్‌తో కలిసి వారిపై.. ఘోరాలు

గురువు అనే పదానికే మాయని మచ్చ తెస్తున్నారు కొందరు కీచకులు. తమ వద్ద చదువుకుంటున్న బాలికలపై కన్నేసి నీచానికి ఒడిగడుతున్నారు. విద్యాబుద్ధులు నేర్పించాల్సింది పోయి అమ్మాయిలపై అఘాయిత్యాలకు ఒడిగడుతున్నారు. తాజాగా అలాంటి దారుణ ఘటన ఒకటి మహబూబ్‌నగర్ జిల్లాలో వెలుగచూసింది. జడ్చర్లకి చెందిన ప్రైవేట్ టీచర్ మహేష్ ఆన్‌లైన్ క్లాసుల పేరుతో అమ్మాయిల ఫోన్ నంబర్లు సేకరించి మాయమాటలతో ట్రాప్‌లోకి దించేవాడు. ఒకరికి తెలియకుండా మరొకరితో బాలికలను లోబరుచుకుని నీచానికి పాల్పడ్డాడు. అతని స్నేహితుడైన ఓ పంచాయతీ సెక్రటరీతో కలసి బాలికలపై అఘాయిత్యాలకు పాల్పడినట్లు తెలుస్తోంది. మరో ఐదారుగురు స్నేహితులతోనూ ఈ దారుణాలకు ఒడిగట్టినట్లు సమాచారం.

ఇటీవల ఓ బాలికను ట్రాప్ చేసిన మహేష్ ఆమెను హైదరాబాద్ తీసుకెళ్లడంతో కథ అడ్డం తిరిగింది. బాలిక తండ్రి పోలీసులకు ఫిర్యాదు చేయడంతో టీచర్ మహేష్ బాగోతం బట్టబయలైంది. పోలీసులు కేసు నమోదు చేసి విచారణ చేపట్టడంతో షాకింగ్ విషయాలు వెలుగులోకి వచ్చాయి. ఆన్‌లైన్ క్లాసుల పేరుతో అమ్మాయిల ఫోన్ నంబర్లు సేకరించి వారితో ఏకాంతంగా మాట్లాడేవాడు. మాయమాటలతో వారిని నమ్మించి లోబరుచుకునేవాడు. అతని స్నేహితుడైన ఓ పంచాయతీ సెక్రటరీతో కలసి బాలికలపై అఘాయిత్యాలకు ఒడిగట్టాడు. పంచాయతీ సెక్రటరీ భార్య ఊరెళ్లడంతో అతని ఇంట్లోనే అమ్మాయిలపై అత్యాచారం చేసినట్లు తెలుస్తోంది. పంచాయతీ సెక్రటరీని అదుపులోకి తీసుకున్న పోలీసులు.. ప్రధాన నిందితుడు మహేష్ కోసం గాలింపు చర్యలు చేపట్టారు. పూర్తి వివరాలు తెలియాల్సి ఉంది.

Also Read: