జడ్చర్ల వాసికి రాష్ట్రపతి ఫోన్ కాల్.. ఆశ్చర్యం!! ఆ విషయం చెప్పేందుకు చేశారట!

ఓ అతి సామాన్యుడికి దేశ ప్రథమ పౌరుడు ఫోన్ చేసి మరీ సమాధానం చెప్పిన ఆసక్తికర ఘటన చోటుచేసుకుంది. మహబూబ్‌నగర్ జిల్లా జడ్చర్ల పట్టణానికి చెందిన సోషల్ యాక్టివిస్ట్ అనిల్ కుమార్‌కి రాష్ట్రపతి రామ్‌నాథ్ కోవింద్ కార్యాలయం నుంచి ఫోన్ వచ్చింది. మీరు పంపిన ఆహ్వానం అందిందని.. బిజీ షెడ్యూల్ కారణంగా రాలేకపోతున్నానంటూ రాష్ట్రపతి రామ్‌నాథ్ కోవింద్ సమాధానమిచ్చారని అనిల్ తెలిపారు. తనకు రాష్ట్రపతి ఫోన్ చేసి మరీ సమాధానం చెప్పడం మరచిపోలేనని అంటున్నారు.

పట్టణంలోని గాంధీ ట్రస్టులో వచ్చే నెల 2వ తేదీన మహాత్ముడి విగ్రహావిష్కరణకు రావాలని కోరుతూ రాష్ట్రపతి రామ్‌నాథ్ కోవింద్, ప్రధాని మోదీ, కేంద్ర హోం మంత్రి అమిత్‌ షాకి అనిల్ ఆహ్వానం పంపించారు. అందుకు స్పందించిన రాష్ట్రపతి ఈ రోజు ఉదయం ఫోన్ చేశారని.. తన బిజీ షెడ్యూల్ కారణంగా రాలేకపోతున్నానని సమాధానం చెప్పారని ఆయన అన్నారు. ఒక్కసారి మిమ్మల్ని కలిసే అవకాశం ఇవ్వాలని కోరానని.. త్వరలోనే సమాచారం ఇస్తామని ఆయన చెప్పారని అనిల్ తెలియజేశారు.

Also Read: