పెళ్లైన రెండు నెలలకే విషాదం.. యువకుడు ఆత్మహత్య

పెళ్లైన రెండు నెలలకే కొత్త పెళ్లికొడుకు ఆత్మహత్యకు పాల్పడ్డాడు. ఉరివేసుకొని యువకుడు ప్రాణం తీసుకున్నాడు. ఈ ఘటన మహబూబ్ నగర్ జిల్లా ఉండవల్లిలో ఆది వారం సాయంత్రం చోటు చేసుకుంది. స్థానికులు తెలిపిన వివారాలు ప్రకారం.. మండలకేంద్రంలోని ఎస్సీ కాలనీకి చెందిన దాసు ఆలియాస్‌ రవికు మార్‌(29) వృత్తిరీత్యా సెంట్రింగ్‌ కార్మికుడిగా పని చేసేవాడు. రెండు నెలల క్రితం రవికి ఇటిక్యాల మండలం ఆర్‌ గార్లపాడు గ్రామానికి చెందిన యువతితో వివాహం అయింది.

అయితే పెళ్లి అనంతరం రవికి ఆర్థిక సమస్యలు ఎక్కువయ్యాయి. ఈ క్రమంలో అతడు ఆందోళనకు గురయ్యాడు. ఆర్థిక సమస్యల కారణంగా ఆదివారం సాయంత్రం ఇంట్లో ఎవరులేని సమయంలో ఉరివేసుకొని ఆత్మహత్యకు పాల్పడ్డాడు. అయితే ఈ విషయంపై పోలీసులకు ఎటువంటి ఫిర్యాదు అందలేదని తెలిపారు.