చెరువులో గుర్తు తెలియని మృతదేహాలు.. అనుమానాస్పద మృతిగా కేసు నమోదు

మహబూబ్ నగర్ జిల్లాలో విషాదం చోటు చేసుకుంది. జిల్లాలోని బాలానగర్‌ మండలంలో గుర్తుతెలియని మృతదేహాలు కలకలం సృష్టించాయి. మండలంలోని ఉడిత్యాల చెరువులో ఇద్దరు వ్యక్తుల మృతదేహాలు తేలియాడుతూ ఉన్నాయి. బుధవారం ఉదయం అటుగా వెళ్లిన గ్రామస్థులు చెరువుపై చూడగా.. అనుమానంగా నీటిపై తేలియాడుతున్న మృతదేహాలను గుర్తించారు. వెంటనే పోలీసులకు సమాచారం అందించారు. గ్రామస్థులకు కూడా విషయాన్ని చెరవేశారు.

Read More: నవదంపతుల్ని వెంటాడిన మృత్యువు.. మరణంలో కూడా వీడని బంధం

అయితేే చెరువు సమీపంలో ఓ బైక్‌ కూడా ఉన్నదని స్థానికులు చెబుతున్నారు. అయితే చనిపోయిన వారెవరూ అనే విషయం ఇంకా తెలియలేదు. పోలీసులు గుర్తుతెలియని మృతదేహాలను పోస్టుమార్టం నిమిత్తం ఆస్పత్రికి తరలించారు. స్థానికుల సహకా రంతో మృతదేహాలను చెరువులోనుంచి వెలికితీశారు. అనుమానస్పద మృతిగా కేసు నమోదచేసి, దర్యాప్తు చేస్తున్నారు. అయితే మృతి చెందిన వారు ఎవరు ? ఎక్కడనుంచి వచ్చారు? ఆతహత్య చేసుకున్నారా లేక మరేమైనా కారణం ఉందా అన్న కోణంలో పోలీసులు దర్యాప్తు చేస్తున్నారు.