పొలానికెళ్లిన తల్లి, కనిపించకుండా పోయిన కూతురు.. నల్గొండలో కలకలం

నల్లగొండ జిల్లాలో ఇంటర్ విద్యార్థిని అదృశ్యమైన ఘటన తీవ్ర కలకలం రేపుతోంది. తల్లి పొలంలో పని ఉందని వెళ్లిన కొద్దిసేపటికి కూతురు కనిపించకుండా పోవడం మిస్టరీగా మారింది. పోలీసులు తెలిపిన వివరాల మేరకు.. నిడమానూరు మండలం తుమ్మడం గ్రామానికి చెందిన ఇంటర్ విద్యార్థిని పోతుగంటి శివరాణి(17) అదృశ్యమైంది. రెండు రోజుల కిందట తల్లి ఎల్లమ్మ పొలం పనులకు వెళ్లింది. ఆ సమయంలో కూతురు శివరాణి కనిపించకుండా పోయింది. విషయం తెలుసుకున్న తల్లిదండ్రులు, బంధువులు పలు గ్రామాల్లో వెతికినా ఆచూకీ తెలియలేదు. దీంతో ఆందోళనకు గురైన తల్లిదండ్రులు వెంటనే పోలీసులను ఆశ్రయించారు. తమ కూతురు కనిపించడం లేదని ఫిర్యాదు చేశారు. పోలీసులు కేసు నమోదు చేసి దర్యాప్తు చేస్తున్నారు.

Also Read: