యాప్నగరం

Choutuppal MPP: మంత్రి జగదీశ్‌రెడ్డి వేధింపులతోనే టీఆర్ఎస్‌కు గుడ్‌బై

మంత్రి జగదీశ్‌రెడ్డి వేధింపులతోనే తాను టీఆర్ఎస్‌ను వీడి బీజేపీలో చేరుతున్నానని చౌటుప్పల్ ఎంపీపీ వెంకట్‌రెడ్డి తెలిపారు. మంత్రి ప్రోద్బలంతోనే పోలీసులు తనపై అక్రమ కేసులు బనాయిస్తున్నారని ఆరోపించారు.

Authored byవీరేష్ బిళ్ళ | Samayam Telugu 16 Aug 2022, 1:30 pm
Samayam Telugu choutuppal mpp venkat reddy
పార్టీ మారుతున్నందుకే తనపై మంత్రి జగదీశ్‌రెడ్డి తనపై కక్షగట్టి ఇంటికి పోలీసులను పంపించారని చౌటుప్పల్ ఎంపీపీ తాడూరి వెంకట్‌రెడ్డి ఆరోపించారు. వనస్థలిపురంలోని ఆయన నివాసానికి సోమవారం రాత్రి టాస్క్‌ఫోర్స్ పోలీసులు వచ్చారు. భవనంలోని మూడో అంతస్తును చుట్టుముట్టి ఆయన్ని అరెస్ట్ చేసేందుకు ప్రయత్నించారు. అయితే కుటుంబసభ్యులు, బీజేపీ నేతలు వారిని నిలదీయడంతో విచారణకు హాజరుకావాలంటూ నోటీసులు ఇచ్చి వెనుదిరిగారు.
Tandur Venkat Reddy: చౌటుప్పల్ ఎంపీపీ ఇంటికి టాస్క్‌ఫోర్స్ పోలీసులు.. అర్ధరాత్రి హైడ్రామా
ఈ ఘటనపై ఎంపీపీ వెంకట్‌రెడ్డి తీవ్రంగా స్పందించారు. తాను టీఆర్ఎస్‌ను వీడి బీజేపీలో చేరుబోతున్నానన్న సమాచారంతోనే పోలీసులు అర్ధరాత్రి అరెస్ట్ చేసేందుకు వచ్చారని ఆరోపించారు. తాను పార్టీని వీడుతున్నానని తెలుసుకున్న వెంటనే మంత్రి జగదీశ్‌రెడ్డి, మాజీ ఎమ్మెల్యే కూసుకుంట్ల ప్రభాకర్‌రెడ్డి.. పోలీసులతో అక్రమ కేసులు పెట్టించారన్నారు. తనను వేధించేందుకు పోలీసులతో అరెస్ట్ డ్రామా ఆడించారని ఆరోపించారు. ఈ విషయం తెలుసుకున్న బీజేపీ రంగారెడ్డి అర్బన్ జిల్లా అధ్యక్షులు సామ రంగారెడ్డి, స్థానిక బీజేపీ నాయకులు, కార్యకర్తలు తాడూరు వెంకట్ రెడ్డి ఇంటికి పెద్ద సంఖ్యలో చేరుకుని ఆయనకు మద్దతు ప్రకటించారు.

మునుగోడు ఉపఎన్నికల్లో బీజేపీ జెండా ఎగరడం ఖాయమని తాడూరి వెంకట్‌రెడ్డి జోస్యం చెప్పారు. తనపై ఎన్ని కేసులు పెట్టినా భయపడే ప్రసక్తే లేదన్నారు. తాను టీఆర్ఎస్ బీపామ్‌పై ఎంపీపీగా గెలవవేదని స్పష్టం చేశారు. మంత్రి జగదీశ్‌రెడ్డి తీరు నచ్చకే తాను బీజేపీలో చేరుతున్నానని వెంకట్‌రెడ్డి తెలిపారు.
రచయిత గురించి
వీరేష్ బిళ్ళ
వీరేశ్ బిల్లా సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ రాజకీయ, సినీ రంగాలకు చెందిన తాజా వార్తలు, స్టోరీలు అందిస్తుంటారు. దీంతో పాటు వీడియో టీమ్‌కు సేవలు అందిస్తున్నారు. తనకు జర్నలిజంలో 10 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయాలు, క్రీడలు, సినిమా రంగాలకు సంబంధించి ఆర్టికల్స్ రాశారు... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.