సాగర్‌లో దూకి కుటుంబం ఆత్మహత్య

నల్గొండ జిల్లాలో విషాదం చోటు చేసుకుంది. నాగార్జున సాగర్‌లో ఓ కుటుంబం దూకి ఆత్మహత్యకు పాల్పడింది. ఆర్థిక, అనారోగ్య సమస్యలతో ఒకే కుటుంబానికి చెందిన ముగ్గురు ఆత్మహత్య యత్నానికి పాల్పడ్డారు. రామయ్య, నాగమణి అనే దంపతులకు సాత్విక్ అనే కుమారుడు ఉన్నాడు. వీరి ముగ్గురు కలిసి సాగర్‌లో దూకారు. తమ చావుకు ఎవరూ బాధ్యులు కాదని సూసైడ్ నోట్ కూడా రాశారు. కొత్త బ్రిడ్జి నుండి సాగర్ నదిలోకి దూకి కుటుంబ సభ్యులు ఆత్మహత్య చేసుకున్నారు.

విషయం తెలుసుకున్న వెంటనే పోలీసులు సంఘటనా స్థలానికి చేరుకున్నారు. అయితే తమ చావుకు తామే కారణమని, అనారోగ్యం సమస్యల కారణంగానే తాము ఆత్మహత్య చేసుకుంటు న్నామని ఒక సూసైడ్ నోట్ లో రాశారు. పోలీసులు సూసైడ్ నోట్ను స్వాధీనం చేసుకుని, ఆ ముగ్గురి మృతదేహాల కోసం గాలింపు చర్యలు చేపట్టారు. జమ్మన్న కోట తండా వద్ద కృష్ణా నదిలో సాత్విక్ మృతదేహం లభ్యమైంది.. దంపతులైన రామయ్య నాగమణి మృతదేహాల కోసం పోలీసులు గాలింపు చర్యలు చేపట్టారు.