సాగర్ ఉపఎన్నిక: జానారెడ్డికి భారీ షాక్.. బీజేపీ వ్యూహంతో గట్టి దెబ్బ!

కాంగ్రెస్ సీనియర్ నేత, మాజీ మంత్రి జానారెడ్డికి షాక్ తగిలింది. నాగార్జున సాగర్ ఉప ఎన్నికకు ముందే ఈ పరిణామం జరగడం గమనించదగ్గ విషయం. ఉప ఎన్నికల్లో కాంగ్రెస్ తరపున పోటీ చేసేందుకు సిద్ధంగా ఉన్నా జానారెడ్డి అత్యంత సన్నిహిత అనుచరుడు పార్టీకి గుడ్ బై చెప్పేశారు. జానారెడ్డి ప్రధాన అనుచరుడైన డాక్టర్ రవి కుమార్ నాయక్ కాంగ్రెస్ పార్టీకి రాజీనామా చేస్తున్నట్లు ప్రకటించారు. జానారెడ్డి వారసత్వ రాజకీయాలను ప్రోత్సహిస్తున్నారని ఆయన విమర్శించారు. నాగార్జున సాగర్ ఉప ఎన్నికకు ముందే తాను బీజేపీలో చేరుతున్నట్లు రవి కుమార్ ప్రకటించారు. ప్రధాని నరేంద్ర మోదీ చేస్తున్న అభివృద్ధి కార్యక్రమాలకు ఆకర్షితుడినయ్యే తాను ఈ నిర్ణయం తీసుకున్నట్లు తెలిపారు.

ఈ నెల 27న కేంద్రమంత్రి కిషన్ రెడ్డి, రాష్ట్ర వ్యవహారాల ఇన్‌ఛార్జి తరుణ్ చుగ్ సమక్షంలో బీజేపీలో చేరుతున్నట్లు రవి కుమార్ ప్రకటించారు. గత నాలుగేళ్లుగా రవికుమార్ కాంగ్రెస్‌లో క్రీయాశీలంగా వ్యవహరిస్తున్నారు.

నాగార్జునసాగర్ నియోజకవర్గంలో టీఆర్ఎస్ ఎమ్మెల్యేగా ఉన్న నోముల నర్సింహయ్య ఇటీవలే అనారోగ్యంతో కన్నుమూశారు. దీంతో అక్కడ ఉపఎన్నిక జరపాల్సి వస్తోంది. ఈ నేపథ్యంలోనే కాంగ్రెస్ సీనియర్ నేత అయిన జానారెడ్డి.. ఉప ఎన్నిక బరిలో ఉంటానని స్పష్టం చేశాడు. గతంలో ఇక్కడి నుంచి గెలిచిన జానారెడ్డి, సాగర్‌లో మరోసారి విజయం సాధించి రాష్ట్రంలో టీఆర్ఎస్‌కు కాంగ్రెస్‌ పార్టీయే ప్రత్యామ్నాయం అని నిరూపించాలని పట్టుదలతో ఉన్నారు.

కానీ, దుబ్బాక, జీహెచ్ఎంసీ ఎన్నికల్లో సంచలన విజయాలు నమోదు చేసి దూకుడు మీదున్న బీజేపీ సాగర్‌ను సైతం తమ ఖాతాలో వేసుకోవాలని గట్టి ప్రయత్నాలు చేస్తోంది. దీంతో అక్కడ త్రిముఖ పోరు నెలకొంది. బీజేపీ అక్కడ విజయశాంతిని బరిలోకి దింపాలని ప్రయత్నిస్తోంది. దీంతో ఇప్పుడు జానారెడ్డికి చెందిన ప్రధాన అనుచరుడు కాంగ్రెస్‌ను వీడి బీజేపీలో చేరడం.. ఆ పార్టీ రచించిన వ్యూహంగా విశ్లేషణలు వస్తున్నాయి. దీంతో బీజేపీ కాంగ్రెస్‌పై దెబ్బకొట్టినట్లయింది.

ఇవి కూడా చదవండి