మునుగోడు వేదికగా తెలంగాణ రాజకీయం వేడెక్కుతోంది. ఎమ్మెల్యే పదవికి రాజీనామా చేసిన రాజగోపాల్ రెడ్డిపై కాంగ్రెస్ పార్టీతో పాటు అధికార టీఆర్ఎస్ పార్టీ నాయకులు విమర్శలు చేస్తున్నారు. తాజాగా మంత్రి జగదీశ్ రెడ్డి చేసిన వ్యాఖ్యలపై స్పందించిన కోమటరెడ్డి.. తాను కాంట్రాక్టుల కోసమే బీజేపీలో చేరుతున్నట్లు నిరూపిస్తే రాజకీయ సన్యాసం తీసుకుంటానని.. ఒకవేళ నిరూపించలేకపోతే మంత్రి పదవికి రాజీనామా చేయాలంటూ సవాల్ విసిరారు.
జగదీశ్ రెడ్డి నీ ఆస్తుల చిట్టా బయట పెడితే పదవికి రాజీనామా చేస్తావా అని కోమటరెడ్డి సవాల్ విసిరారు. మునుగోడులో తన రాజీనామా తర్వాతే అభివృద్ధి పనులు వేగంగా జరుగుతున్నాయని.. అసెంబ్లీలో మూడేళ్లు పోరాడినా ఒక్క రూపాయి కూడా కేటాయించలేదన్నారు. టీఆర్ఎస్ అధికారంలోకి వచ్చిన తర్వాత మునుగోడు ప్రాంత ప్రాజెక్టులను పట్టించుకోలేదని.. మనుగోడు ప్రజల ఆత్మ గౌరవం కోసమే తాను రాజీనామా చేసినట్లు స్పష్టం చేశారు. ఈ నెల 21న మునుగోడులో నిర్వహించే బహిరంగ సభలో అమిత్ షా సమక్షంలో బీజేపీలో చేరుతున్నట్లు ఆయన తెలిపారు.
జగదీశ్ రెడ్డి నీ ఆస్తుల చిట్టా బయట పెడితే పదవికి రాజీనామా చేస్తావా అని కోమటరెడ్డి సవాల్ విసిరారు. మునుగోడులో తన రాజీనామా తర్వాతే అభివృద్ధి పనులు వేగంగా జరుగుతున్నాయని.. అసెంబ్లీలో మూడేళ్లు పోరాడినా ఒక్క రూపాయి కూడా కేటాయించలేదన్నారు. టీఆర్ఎస్ అధికారంలోకి వచ్చిన తర్వాత మునుగోడు ప్రాంత ప్రాజెక్టులను పట్టించుకోలేదని.. మనుగోడు ప్రజల ఆత్మ గౌరవం కోసమే తాను రాజీనామా చేసినట్లు స్పష్టం చేశారు. ఈ నెల 21న మునుగోడులో నిర్వహించే బహిరంగ సభలో అమిత్ షా సమక్షంలో బీజేపీలో చేరుతున్నట్లు ఆయన తెలిపారు.