కూర కావాలని వచ్చి వివాహితపై లైంగిక దాడి.. నల్గొండ జిల్లాలో దారుణం

నల్గొండ జిల్లాలో దారుణం చోటుచేసుకుంది. మధ్యాహ్నం సమయంలో ఇంట్లో ఒంటరిగా ఉన్న వివాహితపై ఆమె సమీప బంధువు లైంగిక దాడి చేసి పారిపోయాడు. వివరాల్లోకి వెళ్తే... వేములపల్లి మండల కేంద్రంలోని ఎన్‌ఎస్పీ కాలనీకి చెందిన వివాహిత ఈనెల 13న మధ్యాహ్నం ఇంట్లో ఒంటరిగా ఉంది. అదే సమయంలో ఆమె సమీప బంధువు గుండెబోయిన సైదులు కూర కావాలని ఆమె ఇంట్లోకి వెళ్లాడు. ఇంట్లో ఎవరూ లేరని నిర్ధారించుకుని ఆమె చేయి పట్టుకుని బలాత్కరించబోయాడు. ఆమె ప్రతిఘటించడంతో కడుపులో బలంగా తన్ని లైంగిక దాడికి పాల్పడి పరారయ్యాడు.

బాధితురాలు రక్తస్రావంతో బాధపడుతూనే కేకలు వేస్తూ పక్కింటికి వెళ్లి పడిపోయింది. ఆమె గమనించిన పక్కింటి మహిళ మట్టమ్మ.. వెంటనే బాధితురాలి భర్తకు సమాచారమిచ్చింది. అతడు ఆటోలో మిర్యాలగూడలోని ఓ ప్రైవేట్ ఆస్పత్రికి తరలించగా ప్రస్తుతం కోలుకుంది. బాధితురాలి భర్త ఫిర్యాదు మేరకు నిందితుడిపై వివిధ సెక్షన్ల కింద కేసులు నమోదు చేసి అదుపులోకి తీసుకున్నారు.