నల్గొండలో యువకుడి హత్య... అర్ధరాత్రి బండరాళ్లతో కొట్టి దారుణం..

నల్గొండ పట్టణంలో ఓ యువకుడు దారుణ హత్యకు గురయ్యాడు. పట్టణానికి చెందిన కొత్త సాయి అనే యువకుడిని కొందరు దుండగులు రైల్వేస్టేషన్‌ సమీపంలో బండరాళ్లతో కొట్టి చంపేశారు. సాయి మృతదేహాన్ని గమనించి స్థానికులు పోలీసులకు సమాచారం ఇచ్చారు. దీంతో అక్కడికి చేరుకున్న పోలీసులు సంఘటనా స్థలాన్ని పరిశీలించి ఆధారాలు సేకరించారు.

సాయి అనేక కేసుల్లో నిందితుడిగా ఉన్నట్లు పోలీసులు గుర్తించారు. పాత కక్షలతో ప్రత్యర్థులే అతడిని చంపేసినట్లు అనుమానిస్తున్నారు. ఈ ఘటనపై నల్గొండ పోలీసులు కేసు నమోదు చేసుకుని దర్యాప్తు చేపట్టారు. రైల్వేస్టేషన్‌కు కూతవేటు దూరంలోనే ఈ హత్య జరగడంతో నగరంలో కలకలం రేపింది.