విషాదం.. పిల్లలతో కలిసి తల్లి ఆత్మహత్య

యాదాద్రి భువనగిరి జిల్లాలో విషాదం చోటుచేసుకుంది. ఒకే కుటుంబానికి చెందిన నలుగురు ఆత్మహత్యాయత్నానికి పాల్పడ్డారు. ఈ ఘటన స్థానికంగా తీవ్ర కలకలం రేపింది. చౌటుప్పల్ మండల కేంద్రంలో ముగ్గురు ఆడ పిల్లలకు ఉరి వేసి తల్లి కూడా ఆత్మ హత్య చేసుకుంది. స్థానికంగా నివాసం ఉంటున్న తొర్పునురి ఉమ రాణి (31) కూతుర్లు హర్షిని (13), లక్కీ (11) ఉరివేసింది. ఆమె కూడా ఆత్మహత్య చేసుకుంది. అయితే చిన్న కూతురు శైని (8) ఉరి నుంచి తప్పించుకొని ప్రాణాలతో బయట పడింది

ఆర్థిక ఇబ్బందుల కారణంగా తల్లి పిల్లలు ఆత్మహత్య కు పాల్పడినట్లు తెలుస్తోంది. సమాచారం అందుకున్న వెంటనే పోలీసులు సంఘటనా స్థలానికి చేరుకుని మృతదేహాలను పోస్టుమార్టం నిమిత్తం ప్రభుత్వ హాస్పిటల్ కి తరలించారు. కేసు నమోదు చేసుకుని విచారణ చేపడుతున్నారు.