Dindi Reservoir: జాలువారుతున్న జల్లులను చూస్తూ.. ప్రాణాలు పోగొట్టుకున్న యువకులు

స్మార్ట్ ఫోన్ యుగంలో సెల్ఫీ ఓ వ్యసనమైపోయింది. అందరి కంటే భిన్నంగా కనిపించాలనే అత్యుత్సాహంతో యువత ప్రమాదాలను పట్టించుకోకుండా సెల్ఫీల కోసం పరిగెత్తి ప్రాణాల మీదకు తెచ్చుకుంటున్నారు. కొండలు.. గుట్టలు.. వాగులు.. వంకలు.. ఎక్కడపడితే అక్కడ సెల్ఫీల కోసం ఆరాటపడుతున్నారు. ఆ అత్యుత్సాహమే ఇద్దరు యువకులను పొట్టనబెట్టుకుంది. సెల్ఫీ మోజులో ప్రమాదాన్ని పట్టించుకోకుండా వెళ్లి నీటమునిగి ఇద్దరు స్నేహితులు ప్రాణాలు కోల్పోయారు. ఈ విషాద ఘటన నల్గొండ జిల్లా డిండి రిజర్వాయర్ వద్ద జరిగింది.

సంగారెడ్డి జిల్లా జహీరాబాద్‌కి చెందిన సాగర్, ప్రవీణ్ అనే ఇద్దరు యువకులు శ్రీశైలం దైవదర్శనానికి వెళ్లారు. తిరుగు ప్రయాణంలో డిండి జలాశయం చూసొద్దామని వెళ్లారు. ప్రాజెక్టు పైనుంచి జాలువారుతున్న జలపాతాన్ని చూసి పరవశించిపోయి సెల్ఫీలు తీసుకునేందుకు సిద్ధమయ్యారు. సెల్ఫీ తీసుకునేందుకు జలాశయం వద్దకు వెళ్లారు. ప్రమాదవశాత్తూ జలాశయంలో పడిపోయారు. ఇద్దరికీ ఈత రాకపోవడంతో వెంటనే నీటమునిగారు. స్థానికులు స్పందించి వారిని బయటికి తీసుకొచ్చేలోపే అనర్థం జరిగిపోయింది. ఇద్దరు యువకులు ప్రాణాలు కోల్పోయారు. స్థానికుల సమాచారం మేరకు పోలీసులు సంఘటన స్థలానికి చేరుకుని వివరాలు సేకరిస్తున్నారు. పూర్తి వివరాలు తెలియాల్సి ఉంది.

Also Read: