అత్తతో గొడవ పడ్డ కోడలు.. కాసేపటికి నిద్ర లేచి చూస్తే షాక్!

అత్తతో గొడవపడ్డ కోడలు విపరీతమైన నిర్ణయం తీసుకుంది. ఏకంగా ఇంట్లో నుంచి వెళ్లిపోయింది. అంతేకాక, ఆమె తన కన్న బిడ్డలను కూడా తీసుకొని అదృశ్యమయింది. ఈ ఘటన సూర్యాపేట జిల్లాలో శుక్రవారం చోటు చేసుకుంది. అయితే, భర్త ఉపాధి కోసం ఇంట్లో ఉండకపోవడంతో అత్తా కోడళ్ల మధ్య వైరం బాగా పెరిగినట్లుగా స్థానికులు చెబుతున్నారు. పూర్తి వివరాలివీ..

సూర్యాపేట జిల్లాలోని చివ్వెంల మండలం కోమటికుంటలో ఈ ఘటన జరిగింది. స్థానికులు తెలిపిన వివరాల ప్రకారం.. గ్రామానికి చెందిన గోగుల రాజు, శ్రీలత (27) భార్యభర్తలు. వీరికి ఇద్దరు పిల్లలు శ్రావ్య (10), రిషికేశ్ (7) ఉన్నారు. భర్త రాజు ఉపాధి కోసం ఆంధ్రప్రదేశ్‌లోని అమలాపురం వెళ్లి అక్కడే ఉంటున్నాడు. ఈ క్రమంలో భార్య శ్రీలత ఇంటి వద్ద అత్తతోనే ఉంటోంది. ఈ నెల 21న శ్రీలత తన భర్త వద్దకు వెళ్తానని అనడంతో అత్త వద్దని వారించింది. దీంతో అది గొడవకు దారి తీసింది.

అత్త నిద్ర పోయాక.. ఆమె పిల్లలను కూడా తనతో పాటు తీసుకొని ఇంటి నుంచి బయటికెళ్లింది. అయితే చివరికి భర్త వద్దకు శ్రీలత, పిల్లలు వెళ్లలేదు. ఈ విషయం బంధువులకు తెలియడంతో వారు ఎన్ని చోట్ల వెతికినా ఆమె జాడ తెలియలేదు. భర్త రాజు ఫిర్యాదు మేరకు పోలీసులు కేసు నమోదు చేసి విచారణ జరుపుతున్నారు.

ఇవి కూడా చదవండి