నాగార్జున సాగర్‌ గేట్లు ఎత్తివేత.. భారీగా ఇన్‌ఫ్లో

కృష్ణమ్మ పరవళ్లు తొక్కుతోంది. ఎగువ నుంచి భారీ వరద ప్రవాహం కొనసాగుతుండడంతో రెండు రోజుల కిందట శ్రీశైలం డ్యామ్ క్రస్ట్ గేట్లు ఎత్తి నీటిని దిగువకు విడుదల చేశారు. శ్రీశైలం నుంచి వస్తున్న వరదతో నాగార్జున సాగర్‌ జలాశయం కళకళలాడుతోంది. సాగర్ నీటిమట్టం 590 అడుగులు కాగా నీటిమట్టం 585 అడుగులకు చేరింది.

ఎగువ నుంచి వరద ప్రవాహం కొనసాగుతుండడంతో నాగార్జున సాగర్ ప్రాజెక్టు అధికారులు క్రస్ట్ గేట్లు ఎత్తి నీటిని దిగువకు విడుదల చేస్తున్నారు. ప్రాజెక్టు 14 గేట్లు 5 అడుగుల మేర ఎత్తి నీటిని విడదల చేశారు. ఎగువ నుంచి ఇన్‌ఫ్లో 5 లక్షల క్యూసెక్కులుగా ఉంది. దిగువకు లక్ష క్యూసెక్కుల నీటిని విడుదల చేస్తున్నారు. సాగర్ జలాశయం పూర్తి సామర్థ్యం 312 టీఎంసీలు కాగా ప్రస్తుత నీటి నిల్వలు 300 టీఎంసీలకు సమానంమని అధికారులు తెలిపారు. సాగర్ గేట్లు ఎత్తడంతో పర్యాటకులు సాగర్‌కి క్యూ కడుతున్నారు.

Also Read: