వివాహ వేడుకలో సందడి చేసిన ముగ్గురు యువకులు.. ఆ తర్వాత కొన్ని గంటల్లోనే..

Nalgonda Road Accident: నల్గొండ జిల్లాలోని హైదరాబాద్ - విజయవాడ జాతీయ రహదారిపై ఈ తెల్లవారు జామున ఘోర రోడ్డు ప్రమాదం జరిగింది. కట్టంగూరు శివారులోని ఎరసాని గూడెం వద్ద జరిగిన ప్రమదంలో ముగ్గురు అక్కిడికక్కడే మృతి చెందారు. కారు డివైడర్‌ను ఢీకొట్టి బోల్తా పడటంతో ప్రమాదం జరిగింది. ఘటనలో మరో ఐదుగురు గాయపడ్డారు. స్థానికులు వారిని హుటాహుటిన నార్కట్ పల్లి కామినేని ఆసుపత్రికి తరలించారు. ప్రస్తుతం వారికి వైద్యులు చికిత్స అందిస్తున్నారు. మృతులు ఖమ్మం జిల్లాకు చెందిన యాసిన్ (18), ఇద్దాక్ (21), సమీర్‌ (21)గా గుర్తించారు. హైదారాబాద్‌లో ఓ వివాహా శుభకార్యానికి హాజరై.. తిరిగి ఖమ్మం తిరుగి వెళ్తుండగా.. ప్రమాదం జరిగింది. ప్రమాద సమయంలో కారులో మెుత్తం 8 మంది ప్రయాణిస్తున్నట్లు తెలిసింది. అప్పటి వరకు వివాహ వేడుకలో సందడి చేసిన యువకులు మృత్యువాత పడటంతో స్నేహితులు విషాదంలో మునిగిపోయారు. ఘటనపై కేసు నమోదు చేసుకున్న పోలీసులు విచారణ చేపట్టారు. ప్రమాదానికి గల కారణాలపై ఆరా తీస్తున్నారు.