కోమటిరెడ్డి రాజగోపాల్‌రెడ్డి(Komatireddy Raj Gopal Reddy) రాజీనామాతో ఖాళీ అయిన మునుగోడు(Munugode)లో ఉపఎన్నికను టీఆర్ఎస్, కాంగ్రెస్, బీజేపీ ప్రతిష్ఠాత్మకంగా తీసుకున్నాయి. 2023 అసెంబ్లీ ఎన్నికలకు సంబంధించి ప్రజల మూడ్‌ను ప్రతిబింబించేదిగా భావిస్తున్న ఈ ఉపఎన్నికలో ఎలాగైనా విజయం సాధించాలని కంకణం కట్టుకున్నాయి. ఈ క్రమంలోనే ఈ నెల 21న బీజేపీ మునుగోడులో భారీ బహిరంగ సభ నిర్వహించేందుకు సిద్ధం అవుతోంది. కేంద్ర హోంమంత్రి అమిత్ షా(Amit Shah) సహా పలువురు బీజేపీ ప్రముఖులు ఈ సభకు హాజరుకానున్నారు. అయితే టీఆర్ఎస్(TRS) అంతకంటే ముందే సభను నిర్వహించి బీజేపీకి ఝలక్ ఇచ్చేందుకు సిద్ధమంది. ఈ నెల 20న భారీ బహిరంగ సభను నిర్వహించాలని టీఆర్ఎస్ నిర్ణయించింది.
మంత్రివర్గం సమావేశం తర్వాత ఉమ్మడి నల్గొండ జిల్లాకు చెందిన నేతలతో ముఖ్యమంత్రి కేసీఆర్ ప్రత్యేకంగా సమావేశమయ్యారు. మంత్రి జగదీశ్వర్‌రెడ్డితో పాటు పలువురు ఎమ్మెల్యేలు, ఎమ్మెల్సీలు, ఇతర ముఖ్యనేతలతో మునుగోడు ఉప ఎన్నికపై చర్చించారు. అభ్యర్థిగా ఎవరిని బరిలోకి దించినా అందరూ కలిసికట్టుగా పనిచేయాలని, ఎలాంటి విభేదాలు, వివాదాల జోలికిపోవద్దని కేసీఆర్ సూచించినట్లు తెలుస్తోంది.
మంత్రివర్గం సమావేశం తర్వాత ఉమ్మడి నల్గొండ జిల్లాకు చెందిన నేతలతో ముఖ్యమంత్రి కేసీఆర్ ప్రత్యేకంగా సమావేశమయ్యారు. మంత్రి జగదీశ్వర్‌రెడ్డితో పాటు పలువురు ఎమ్మెల్యేలు, ఎమ్మెల్సీలు, ఇతర ముఖ్యనేతలతో మునుగోడు ఉప ఎన్నికపై చర్చించారు. అభ్యర్థిగా ఎవరిని బరిలోకి దించినా అందరూ కలిసికట్టుగా పనిచేయాలని, ఎలాంటి విభేదాలు, వివాదాల జోలికిపోవద్దని కేసీఆర్ సూచించినట్లు తెలుస్తోంది.