Rajadani Bus Fire: హైదరాబాద్ - విజయవాడ జాతీయ రహదారిపై తెలంగాణ ఆర్టీసీకి చెందిన మరో రాజధాని బస్సు దగ్ధమైంది. మియాపూర్ డిపోకు చెందిన రాజధాని బస్సు హైదరాబాద్ నుంచి విజయవాడ వెళ్తుండగా సూర్యాపేట జిల్లా మునగాల మండలం మొద్దుల చెరువు వద్ద స్కూటీని ఢీకొట్టింది. దీంతో బస్సులో షార్ట్ సర్క్యూట్ జరిగి మంటలు చెలరేగాయి. డ్రైవర్ వెంటనే ప్రయాణీకులను అప్రమత్తం చేయడంతో అందరూ బస్సు దిగి పరుగులు తీశారు. స్థానిక పోలీసులు వెంటనే అక్కడికి చేరుకుని ఆ ప్రాంతంలో సహాయకచర్యలు చేపట్టారు. ప్రమాదంలో గాయపడిన ద్విచక్ర వాహనదారుడిని సూర్యాపేటలోని ఓ ప్రైవేటు ఆస్పత్రికి తరలించగా చికిత్స పొందుతూ మృతి చెందాడు. మృతి చెందిన వ్యక్తి మునగాల మండలం ఇందిరానగర్ కు చెందిన రాజుగా గుర్తించారు. ఈ ఘటనపై కేసు నమోదు చేసుకుని దర్యాప్తు చేపట్టారు.
గత నెల (ఫిబ్రవరి 26న) కూడా హైదరాబాద్ - విజయవాడ జాతీయ రహదారిపై రెండు బస్సులు మంటల్లో చిక్కుకున్నాయి. సూర్యాపేట జిల్లా చివ్వెంల మండలం దురాజ్‌పల్లి వద్ద ఈ ప్రమాదం చోటు చేసుకుంది. విజయవాడ డిపోకు చెందిన ఆర్టీసీ బస్సు.. హైదరాబాద్ నుంచి విజయవాడకు బయల్దేరింది. ఈ క్రమంలో దురాజ్‌పల్లి వద్ద బస్సులో సాంకేతిక లోపం తలెత్తి ఆగిపోగా.. అందులోని ప్రయాణికుల్ని మరో బస్సులో తరలించారు. సాంకేతిక లోపాన్ని సరిచేసేందుకు విజయవాడ నుంచి మరో బస్సును రప్పించారు. నిలిచిపోయిన బస్సుకు మరమ్మతులు చేస్తున్న సమయంలో ఓ బస్సులో ఆకస్మాత్తుగా మంటలు వ్యాపించాయి. నిమిషాల వ్యవధిలోనే రెండు బస్సులకు మంటలు అంటుకొని అవి పూర్తిగా దగ్ధమయ్యాయి. ఆ సమయంలో బస్సుల్లో ఎవరూ లేకపోవటంతో పెను ప్రమాదం తప్పింది. ఈ ఘటనలో షార్ట్ సర్క్యూటే అగ్ని ప్రమాదానికి కారణమని అధికారులు వెల్లడించారు. ఇలా ఆకస్మాత్తుగా బస్సుల్లో మంటలు చెలరేగటం పట్ల ప్రయాణికులు తీవ్ర ఆందోళనలకు గురవుతున్నారు.
గత నెల (ఫిబ్రవరి 26న) కూడా హైదరాబాద్ - విజయవాడ జాతీయ రహదారిపై రెండు బస్సులు మంటల్లో చిక్కుకున్నాయి. సూర్యాపేట జిల్లా చివ్వెంల మండలం దురాజ్‌పల్లి వద్ద ఈ ప్రమాదం చోటు చేసుకుంది. విజయవాడ డిపోకు చెందిన ఆర్టీసీ బస్సు.. హైదరాబాద్ నుంచి విజయవాడకు బయల్దేరింది. ఈ క్రమంలో దురాజ్‌పల్లి వద్ద బస్సులో సాంకేతిక లోపం తలెత్తి ఆగిపోగా.. అందులోని ప్రయాణికుల్ని మరో బస్సులో తరలించారు. సాంకేతిక లోపాన్ని సరిచేసేందుకు విజయవాడ నుంచి మరో బస్సును రప్పించారు. నిలిచిపోయిన బస్సుకు మరమ్మతులు చేస్తున్న సమయంలో ఓ బస్సులో ఆకస్మాత్తుగా మంటలు వ్యాపించాయి. నిమిషాల వ్యవధిలోనే రెండు బస్సులకు మంటలు అంటుకొని అవి పూర్తిగా దగ్ధమయ్యాయి. ఆ సమయంలో బస్సుల్లో ఎవరూ లేకపోవటంతో పెను ప్రమాదం తప్పింది. ఈ ఘటనలో షార్ట్ సర్క్యూటే అగ్ని ప్రమాదానికి కారణమని అధికారులు వెల్లడించారు. ఇలా ఆకస్మాత్తుగా బస్సుల్లో మంటలు చెలరేగటం పట్ల ప్రయాణికులు తీవ్ర ఆందోళనలకు గురవుతున్నారు.
- Read More Telangana News And Telugu News