సర్పంచ్ భర్తను చావగొట్టిన గ్రామస్థులు.. ఇంతకీ ఏం చేశాడో తెలుసా?

యాదాద్రి భువనగిరి జిల్లా రామన్నపేట మండలంలోని శోభనాద్రిపురం అధికార పార్టీ సర్పంచ్ భర్త కాల్వ శ్రవణ్‌ను గ్రామస్థులు చితక్కొట్టారు. పల్లె ప్రగతి కార్యక్రమంలో చేసిన పనులకు బిల్లులు ఇవ్వకపోవడం, తిరిగి వారినే బెదిరింపులకు గురిచేస్తున్నారని సర్పంచ్ భర్త కాల్వ శ్రవణ్‌పై గ్రామస్థులు తిరగబడ్డారు. డబ్బులు అడిగినందుకు శ్రవణ్ కులం పేరుతో దూషించాడని గ్రామస్థులు ఆరోపిస్తున్నారు. ఒక్కసారిగా మాట మాట పెరిగి పెనుగులాటకు ఇది సర్పంచ్ భర్తను కొట్టేవరకూ వెళ్లింది.

ఒక్కసారిగా సర్పంచి భర్తపై గ్రామస్థులు దాడి చేశారు. దీంతో అక్కడ ఉద్రిక్త వాతావరణం నెలకొంది. పోలీసులు వచ్చి పరిస్థితిని సద్దుమణిగేలా చేశారు. సర్పంచ్ భర్త కాల్వ శ్రవణ్‌ వ్యవహరశైలితో విసిగిపోయిన గ్రామస్థులు మూకుమ్మడిగా దాడి చేసినట్లు సమాచారం. గ్రామస్థులు కొట్టడంతో ఆయనకు గాయాలయ్యాయి. రామన్నపేట పోలీస్‌స్టేషన్‌లో ఇరువర్గాలు ఫిర్యాదు చేశారు. పోలీసులు కేసు నమోదు చేసి విచారిస్తున్నారు. పోలీసులు ఇరువర్గాలను సముదాయించారు. దాంతో వివాదం సద్దుమణిగింది.