సెల్‌ఫోన్ ఇవ్వలేదని.. 15 ఏళ్ల కూతురు ఎంత పనిచేసిందంటే

ఈకాలం పిల్లలు కొన్నివిషయాల్లో అవలంబిస్తున్నా మొండి వైఖరి వారి ప్రాణాలకే ముప్పు తెచ్చిపెడుతోంది. తల్లిదండ్రులు గారాబంతో అడిగిందల్లా కాదనకుండా ఇవ్వడంతో పిల్లల పేచీ మరి ఎక్కువగా పెరిగిపోతుంది. దీంతో అయినదానికి కానిదానికి అలిగి ప్రాణాలు బలితీసుకుంటున్నారు. సెల్ ఫోన్ అడిగితే తల్లి ఇవ్వనందుకు బాలిక ఆత్మహత్య చేసుకున్న ఘటన కరీనంగర్ జిల్లాలో చోటు చేసుకుంది. తల్లి సెల్ ఫోన్ ఇవ్వననడంతో ఎన్టీపీసీ కృష్ణానగర్‌కు చెందిన కంకణాల సింధుజ అనే 15 ఏళ్ల బాలిక ఆత్మహత్య చేసుకుంది.

ఎన్టీపీసీ హెడ్‌కానిస్టేబుల్‌ రవీందర్‌, కాలనీ వాసులు తెలిపిన వివరాల ప్రకారం.. ఎన్టీపీసీకి చెందిన రజిత అనే వివాహిత నివాసం ఉంటుంది. మొదటి భర్త కంకణాల సుధాకర్‌ సుమారు పన్నెండేళ్ల కిందట మృతి చెందాడు. అప్పటికే వారికి సింధుజ జన్మించింది. తర్వాత రజిత సూరు రవికిరణ్‌ అనే వ్యక్తిని రెండో వివాహం చేసుకుంది. సుధాకర్‌ తరపున బంధువులు ఎవరూ లేకపోవటంతో సింధుజ తల్లితోనే కృష్ణానగర్‌లో ఉంటోంది. ఇటీవల పాఠశాలలో 10వ తరగతికి ఆన్‌లైన్‌ తరగతులు ప్రారంభించటంతో అప్పుడప్పుడు సింధుజ సెల్ ఫోన్‌లో ఆన్ లైన్ క్లాసులు వింటోంది.
Read More: పెళ్లింట కరోనా విషాదం.. ఒకరు మృతి వధువు సహా ఐదుగురికి పాజిటివ్
అయితే సెల్ ఫోన్ తనతోనే ఎప్పటికీ ఉండాలని సింధుజ తల్లి వద్ద పేచీ పెట్టింది. దీనికి తల్లి సెల్ ఫోన్ అలా ఇచ్చేందుకు కుదరదని చెప్పింది. దీంతో తల్లి తనకు అడిగినా సెల్ ఫోన్ ఇవ్వడం లేదని దివ్యాంగురాలైన సింధుజ మానసికంగా కుంగిపోయింది. శనివారం మధ్యాహ్నం ఇంట్లో ఎవరూ లేని సమయంలో పైకప్పునకు చున్నీతో ఉరివేసుకొని ఆత్మహత్యకు పాల్పడింది. తల్లి వచ్చి చూసేసరికి సింధుజ శవమై కనిపించింది. సమాచారం తెలుసుకున్న ఎన్టీపీసీ ఎస్సై ఉమాసాగర్‌ సంఘటనా స్థలానికి చేరుకొని పరిశీలించారు. తల్లి రజిత ఫిర్యాదు మేరకు కేసు నమోదు చేసి పోలీసులు విచారణ చేపట్టారు.