దారుణం.. పెళ్లికాకుండానే బిడ్డకు జన్మనిచ్చిన 14 ఏళ్ల బాలిక

అమ్మాయిలపై అఘాయిత్యాలు కొనసాగుతూనే ఉన్నాయి. అభం శుభం తెలియని అమ్మాయిల జీవితాల్ని కొందరు కామాంధులు అన్యాయంగా నాశనం చేస్తున్నారు. ఏం తెలియని వయసులో వారిని తల్లులను చేసి నెమ్మదిగా జారుకుంటున్నారు. తాజాగా 14 ఏళ్ల బాలిక పెళ్లి కాకుండానే తల్లి అయిన దారుణ ఘటన హైదరాబాద్‌లో చోటు చేసుకుంది. పేట్లబుర్జులోని ప్రభుత్వ ప్రసూతి ఆసుపత్రిలో 14ఏళ్ల బాలిక.. మూడున్నర కిలోల బరువు కలిగిన పాపాయికి జన్మనిచ్చింది.

Read More: వర్మకు షాక్ ఇచ్చిన దిశ తండ్రి... హైకోర్టులో పిటిషన్

వివారాల్లోకి వెళ్తే బిహార్‌కు చెందిన ఓ కార్మికుడి కుటుంబం ఉపాధి కోసం నగరానికి వచ్చింది. బేగంబజార్‌లోని నాగర్‌ఖానాలో అద్దె ఇంట్లో ఉంటోంది. అతనికి ఓ 14 ఏళ్ల కూతురు ఉంది. ఈనెల 6న బాలిక తీవ్ర కడుపు నొప్పితో బాధపడింది. దీంతో ఆమెను కుటుంబసభ్యులు చికిత్స నిమిత్తం ఉస్మానియా ఆసుపత్రికి తీసుకెళ్లారు. అక్కడ వైద్యులు ఆ బాలికను పరీక్షించి గర్భవతి అని నిర్ధారించారు. చికిత్స నిమిత్తం పాతబస్తీ పేట్లబుర్జులోని ప్రభుత్వప్రసూతి ఆసుపత్రికి తరలించారు. అదేరోజు రాత్రి చిన్నారికి జన్మనిచ్చింది. శుక్రవారం ఆమె సోదరుడి ఫిర్యాదు మేరకు షాయినాయత్‌గంజ్‌ పోలీసులు కేసు నమోదు చేశారు.బాలికను గర్భవతి చేసింది ఎవరన్నదానిపై పోలీసులు దర్యాప్తు చేస్తున్నారు.