యాప్నగరం

తెలంగాణ కరోనా బులెటిన్: ఉద్ధృతంగానే కరోనా కేసులు.. ఈ జిల్లాల్లో దారుణంగా పరిస్థితి

Coronavirus Telangana: జిల్లాల్లో కేసుల తాకిడి అత్యధికంగా రంగారెడ్డి జిల్లాలో ఉంది. ఇక్కడ 216 కొత్త కేసులు గుర్తించారు. ఆ తర్వాతి స్థానంలో మేడ్చల్ మల్కాజ్‌గిరి జిల్లా ఉంది. ఇక్కడ 172 కొత్త కేసులు నమోదయ్యాయి.

Samayam Telugu 11 Sep 2020, 9:09 am
తెలంగాణలో గురువారం నాటి కరోనా కేసులకు సంబంధించిన హెల్త్ బులెటిన్‌ విడుదల చేశారు. గురువారం నాడు మొత్తం 2426 కరోనా కొత్త కేసులు నమోదైనట్లుగా పేర్కొన్నారు. దీంతో రాష్ట్రంలో మొత్తం కరోనా కేసుల సంఖ్య 1,52,602కు చేరింది. ఇక ప్రస్తుతం రాష్ట్రంలో యాక్టివ్ కేసులు 32,195గా ఉన్నాయి. మరో 25,240 మంది హోం ఐసోలేషన్‌లో చికిత్స పొందుతున్నారు. గత 24 గంటల్లో 2324 మంది కోలుకొని డిశ్చార్జి అయ్యారు. ఇక గురువారం మరో 13 మంది కరోనాకు బలి కాగా, మొత్తం చనిపోయిన వారి సంఖ్య 940కి చేరింది.
Samayam Telugu ప్రతీకాత్మక చిత్రం
man corona virus


గురువారం నాడు గుర్తించిన కరోనా కేసుల్లో జిల్లాల్లోనూ పెద్ద ఎత్తున కేసులను గుర్తించారు. ఒక్క జీహెచ్ఎంసీ పరిధిలోనే అధికంగా 338 కొత్త కేసులు నమోదయ్యాయి. ఆ తర్వాత కేసుల తాకిడి అత్యధికంగా రంగారెడ్డి జిల్లాలో ఉంది. ఇక్కడ 216 కొత్త కేసులు గుర్తించారు. ఆ తర్వాతి స్థానంలో మేడ్చల్ మల్కాజ్‌గిరి జిల్లా ఉంది. ఇక్కడ 172 కొత్త కేసులు నమోదయ్యాయి.

Must Read: చంచల్‌గూడ జైలుకు అదనపు కలెక్టర్.. తగిన శాస్తి జరిగిందని మహిళ శాపనార్థాలు

మరోవైపు, తెలంగాణలో గురువారం ఒక్కరోజే 62,890 కరోనా టెస్టులు నిర్వహించారు. వీటిలో నుంచే 2426 కేసులు బయటపడ్డాయి. దీంతో మొత్తం ఇప్పటి వరకూ తెలంగాణలో చేసిన కరోనా టెస్టుల సంఖ్య 20.16 లక్షలు దాటింది. ఇప్పటి వరకూ సేకరించిన నమూనాల్లో మరో 2242 మంది ఫలితాలు తేలాల్సి ఉంది. తెలంగాణలో ప్రతి 10 లక్షల జనాభాలో సరాసరిన 54,313 పరీక్షలు చేసినట్లు హెల్త్ బులెటిన్‌లో వివరించారు. జిల్లాల వారీగా నమోదైన కేసులు, తెలుగులో హెల్త్ బులెటిన్ పూర్తి వివరాలకు కింది పీడీఎఫ్ ఫైల్ క్లిక్ చేయండి.
Media Bulletin - Telugu 10092020 -
Also Read: చిప్స్ ప్యాకెట్లలో బూజు.. ప్రముఖ సూపర్ మార్కెట్ ఎదుట కస్టమర్ల ఆందోళన

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.