Kondapur: ఓయో హోటల్స్ ఉద్యోగిని ఆత్మహత్య

హైదరాబాద్‌లోని కొండాపూర్‌లో విషాదం చోటు చేసుకుంది. గచ్చిబౌలిలోని ఓయో హోటల్స్‌లో ఉద్యోగినిగా పనిచేస్తున్న ఓ యువతి ఉరేసుకొని ఆత్మహత్య చేసుకుంది. ఘటనపై పలు అనుమానాలు కలుగుతున్నాయి. కేసు నమోదు చేసుకున్న పోలీసులు పలు కోణాల్లో దర్యాప్తు చేస్తున్నారు. స్థానికులు తెలిపిన వివరాల ప్రకారం.. గురుగ్రామ్‌ (హర్యాణా)కు చెందిన మౌనిక (25) అనే యువతి గచ్చిబౌలి పోలీస్ స్టేషన్ పరిధిలోని ఓయో హోటల్‌లో పనిచేస్తూ.. కొండాపూర్‌లోని కాకతీయ రెసిడెన్సీలో ఇద్దరు స్నేహితులతో కలిసి నివాసం ఉంటోంది.

సోమవారం (జనవరి 6) సాయంత్రం తన గదిలోకి వెళ్లిన మౌనిక ఆ తర్వాత బయటకి రాలేదు. రాత్రి 7 గంటల సమయంలో మౌనిక స్నేహితుడు రీహాన్ అక్కడికి వచ్చాడు. మౌనిక ఎంతకీ తలుపు తీయకపోవడంతో అనుమానం వచ్చి చూడగా.. గదిలో ఆమె చున్నీతో ఫ్యాన్‌కు ఉరేసుకొని వేలాడుతూ కనిపించింది. వెంటనే అతడు 108కు కాల్ చేసి సమాచారం ఇచ్చాడు. ఘటనా స్థలికి వచ్చిన 108 సిబ్బంది ఆమె అప్పటికే మరణించినట్లు ధ్రువీకరించారు.

Also Read: బిచ్చగాడి దారుణ హత్య.. సైదాబాద్‌లో సైకో దారుణం

సమాచారం అందుకున్న పోలీసులు ఘటనా స్థలికి వచ్చి పరిశీలించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.

ఫ్లాట్ యజమాని ఏమన్నారు..?
మౌనిక మృతిపై ఆమె నివసిస్తున్న ఫ్లాట్ యజమాని కసుల పునీత కూడా పోలీసులకు చేశారు. తాము సోమవారం సాయంత్రం 5 గంటల సమయంలో అద్దె కోసం ఫ్లాట్ వద్దకు వెళ్లామని ఆమె పోలీసులకు తెలిపారు. తమకు తెలిసిన సమాచారం ప్రకారం మౌనిక ఫ్రెండ్ రీహాన్ 7 గంటల సమయంలో ఫ్లాట్ వద్దకు వచ్చాడని.. ఆ తర్వాత ఆమె ఆత్మహత్య చేసుకున్నట్లు తెలిసిందని వెల్లడించారు. ఫిర్యాదులో తెలిపారు.

Also Read: ఆంటీతో దొరికిపోయిన భర్త.. చితక్కొట్టిన భార్య