17 మంది కూలీల ఆటో పల్టీలు.. వేర్వేరు ప్రమాదాల్లో పలువురి మృతి

తెలంగాణ వ్యాప్తంగా గురువారం ఉదయం కొన్ని చోట్ల రోడ్డు ప్రమాదాలు చోటు చేసుకున్నాయి. వేర్వేరు చోట్ల జరిగిన ఈ దుర్ఘటనల్లో నలుగురు వ్యక్తులు మరణించగా, పదుల సంఖ్యలో గాయపడ్డారు. జోగులాంబ గద్వాల జిల్లాలో ఇటిక్యాల మండలం దెయ్యాల వాగు వద్ద ఆగి ఉన్న చెరకు ట్రాక్టర్‌ను కారు ఢీకొట్టింది. ఈ ప్రమాదంలో ముగ్గురు వ్యక్తులు అక్కడికక్కడే చనిపోయారు. కారు డ్రైవర్ ప్రాణాలతో బయట పడ్డాడు. సమాచారం అందిన వెంటనే పోలీసులు అక్కడకు చేరుకుని మృతదేహాలను స్వాధీనం చేసుకున్నారు. మృతులను గద్వాల ప్రాంతానికి చెందిన విజయ్, సునీల్, కిరణ్‌గా పోలీసులు గుర్తించారు.

Also Read:చలి కాలంలోనూ ఈ స్థాయిలో ఉష్ణోగ్రతలు.. కారణమదేనా?undefinedAlso Read: టీఆర్‌ఎస్ అభ్యర్థి ముక్కు కొరికేసిన కాంగ్రెస్ అభ్యర్థి

ఖమ్మం జిల్లాలోని కారేపల్లి మండలం బత్యా తండా వద్ద రోడ్డు ప్రమాదం జరిగింది. రోజువారి కూలీ కోసం టాటా ఏస్ వాహనంలో వెళ్తున్న కూలీలు ఈ ప్రమాదంలో గాయపడ్డారు. మరో ఆటోను తప్పించబోయి అదుపుతప్పిన టాటా ఏస్‌ వాహనం పల్టీలు కొట్టింది. ఈ దుర్ఘటనలో వాహనంలో ప్రయాణిస్తున్న 17 మంది కూలీలు గాయపడ్డారు. బాధితులను చికిత్స నిమిత్తం సమీప ఆస్పత్రికి తరలించారు. కూలీలంతా మిరప పంటలో పని చేసేందుకు వెళ్తుండగా ఈ ఘటన చోటుచేసుకుంది.

Also Read: జగిత్యాల కలెక్టర్‌కు అరుదైన గుర్తింపు
Also Read: తొలిసారిగా వచ్చా, కానీ నా ఓటు చెల్లుతుందా.. యువతి ఆవేదన
undefined
నల్గొండ జిల్లా నార్కట్‌ పల్లి శివారులో బైపాస్ వద్ద జరిగిన రోడ్డు ప్రమాదంలో పలువురు గాయపడ్డారు. నార్కట్‌పల్లి ఫ్లైఓవర్ బ్రిడ్జ్‌‌పై ముందు వెళ్తున్న ట్యాంకర్‌ను ఓ ప్రైవేటు ట్రావెల్స్‌కి చెందిన బస్సు వెనుక నుంచి ఢీకొట్టింది. ఈ ఘటనలో ఆరుగురు ప్రయాణికులకు గాయాలయ్యాయి. సమాచారం అందుకున్న పోలీసులు అక్కడికి చేరుకొని క్షతగాత్రులను నార్కట్‌పల్లి కామినేని ఆస్పత్రికి తరలించారు. బస్సు విశాఖపట్నం నుంచి హైదరాబాద్‌ వస్తుండగా ఈ ప్రమాదం జరిగినట్లు తెలుస్తోంది.

Also Read: మెట్రో షటిల్ తరహాలో స్టేషన్ల నుంచి కొత్త రకం సేవలు.. తక్కువ ధరకే!
Also Read: ఎంపీ బండి సంజయ్ భద్రత తిరస్కరణకు కారణమదే..

ములుగు జిల్లా ఏటూరు నాగారం మండలం చిన్నబోయినపల్లి వద్ద జరిగిన మరో కారు ప్రమాదంలో ఓ టీవీ ఛానల్ రిపోర్టర్ మృతి చెందారు. మృతుడు దామోదర్‌గా(35)గా గుర్తించారు. సమాచారం అందిన వెంటనే పోలీసులు అక్కడకు చేరుకుని మృతదేహాన్ని స్వాధీనం చేసుకున్నారు. కేసు నమోదు చేసి దర్యాప్తు చేపట్టారు. ఈ ప్రమాదానికి పొగమంచు కారణం అయి ఉంటుందని పోలీసులు అనుమానిస్తున్నారు. దారి సరిగ్గా కనపడక పోవడం వల్ల కారు డ్రైవర్‌ కల్వర్టును ఢీకొట్టి ఉంటాడని పోలీసులు అంచనా వేశారు.

Also Read: రాష్ట్రంలోకి మరో భారీ కంపెనీ.. పెట్టుబడులకు వచ్చే నెలలోనే..