చిన్నారిపై విరుచుకుపడ్డ వీధి కుక్కలు.. ఒళ్లంతా గాయాలతో బాలిక మృతి

హైదరాబాద్‌లోని బోడుప్పల్‌లో వీధి కుక్కలు వీరంగం సృష్టించాయి. ఒక బాలికపై వీధి కుక్కలు దాడి చేయగా ఆమె మరణించింది. తీవ్రంగా గాయపడిన ఆమెను ఆస్పత్రికి తరలించగా చికిత్స పొందుతూ చనిపోయింది. బోడుప్పల్ మున్సిపల్ కార్పొరేషన్ పరిధిలోని చంగిచర్ల సుశీల టౌన్ షిప్‌లో ఈ ఘటన జరిగింది. ఈ విషయాన్ని బాలల హక్కుల సంఘం.. బోడుప్పల్ మున్సిపల్ డిప్యూటీ కమిషనర్ దృష్టికి తీసుకువెళ్లారు.

ఆరు సంవత్సరాల బాలిక అంగోత్ బేబీ వీధి కుక్కల దాడిలో తీవ్రంగా గాయపడగా ముందు స్థానిక ఆసుపత్రికి తీసుకువెళ్లారు. అక్కడ నుండి మరో ఆసుపత్రి తరలించారు. పరిస్థితి విషమంగా ఉండటంతో యశోద ఆసుపత్రికి తరలించాలని వైద్యులు చెప్పారని బాలిక తండ్రి అంగోత్ హోలీ చెప్పారు. కానీ యశోద హాస్పిటల్‌లో కూడా బాలికకు వైద్యం చేయలేదని వివరించారు. చివరకు నీలోఫర్ హాస్పిటల్‌కి పాపను తరలించారు. తీవ్ర రక్తస్రావం కావడంతో చికిత్స పొందుతూ చిన్నారి మృతి చెందింది.

వీధికుక్కలను మున్సిపాలిటీలు వెంటనే నిర్మూలించాలని బాలల హక్కుల సంఘం డిమాండ్ చేస్తోంది. బోడుప్పల్ మున్సిపల్ అధికారులపై క్రిమినల్ కేసు నమోదు చేయాలని బాలల హక్కుల సంఘం డిమాండ్ చేసింది.

Also Read:బిగ్ న్యూస్.. జూన్ 30 వరకు లాక్ డౌన్ పొడిగింపు

Must Read: undefined