తండ్రి సమాధి వద్ద రెండ్రోజులుగా ఏడుస్తున్న బాలిక.. జగిత్యాలలో కన్నీరు పెట్టించే ఘటన

జగిత్యాల జిల్లాలో కన్నీరు పెట్టించే ఓ ఘటన చోటు చేసుకుంది. ఆ దృశ్యాన్ని చూసి స్థానికులు చలించిపోయారు. రెండేళ్ల కిందట కొండగట్టు దగ్గర ఘోరమైన బస్సు ప్రమాదం జరిగిన సంగతి తెలిసిందే. ఈ బస్సు ప్రమాదంలో 65 మంది చనిపోయారు. ఆ విషాదకర దుర్ఘటనలో చనిపోయిన తన తండ్రి జ్ఞాపకాల నుంచి చిన్నారి అక్షిత బయటపడలేపోతోంది. రెండేళ్ల క్రితం కట్టిన తండ్రి సమాధిపై కూర్చుని తొమ్మిదేళ్ల పాప వెక్కివెక్కి ఏడిచింది. ఆ పాపను ఓదార్చడం స్థానికుల వల్ల ఏమాత్రం కాలేదు.

కొండగట్టు ప్రమాదంలో జగిత్యాల జిల్లా కొడిమ్యల మండలం రాంసాగర్ గ్రామానికి చెందిన ద్యాగాల స్వామి కూడా చనిపోయారు. దీంతో ఆ కుటుంబం పెద్ద దిక్కును కోల్పోయింది. అప్పటి నుంచి ద్యాగాల స్వామి కుమార్తె ఆ మనోవేదనలోనే ఉండిపోయినట్లు స్థానికులు చెప్పారు. ప్రమాదం జరిగి శుక్రవారంతో రెండేళ్లు గడిచాయి. ఈ సందర్భంగా తన తండ్రిని గుర్తు చేసుకుంది. దీంతో గత రెండు రోజులుగా సమాధి దగ్గరే కూర్చొని ఆ చిన్నారి ఏడుస్తోంది. తన తండ్రి సమాధిపై పూలు వేస్తూ అక్కడే ఉండిపోయింది. ఇది చూసి స్థానికులు కూడా కంటతడి పెట్టుకుంటుండడం కలచివేసింది.

Must Read: మెదక్: చోరీకి షాపులోకి వెళ్లిన దొంగ.. సజీవ దహనమై బయటికి..Must Read: undefined