ఒంటి కన్నుతో మగ బిడ్డ జననం.. మంచిర్యాలలో వింత

మంచిర్యాల జిల్లాలో ఒకే కన్నుతో బిడ్డ జన్మించడం ఆశ్చర్యాన్ని కలిగిస్తోంది. మంచిర్యాల జిల్లా చెన్నూరు ప్రభుత్వ ఆసుపత్రిలో ఈ ఘటన జరిగింది. ఓ మహిళకు ఒంటి కన్నుతో మగ బిడ్డ పుట్టాడు. కోటపల్లి మండలం లింగన్నపేట గ్రామానికి చెందిన శంకర్, ప్రియాంక దంపతులకు ఈ శిశువు జన్మించాడు. శంకర్ భార్య ప్రియాంకను ప్రసవం కోసం చెన్నూరులోని ప్రభుత్వ ఆసుపత్రికి తీసుకువచ్చారు. ఆమెకు వైద్యులు సాధారణ ప్రసవం ద్వారా పురుడు పోశారు.

పుట్టిన బిడ్డ ఒంటి కన్నుతో ఉంది. అయితే, ఇది ఆమెకు రెండవ సంతానం. మొదటి ప్రసవం రెండేళ్ల క్రితం జరిగింది. ఈ రెండో ప్రసవంలో ఒంటి కన్నుతో పుట్టిన ఈ వింత శిశువు జన్మించిన కాసేపటికే చనిపోయాడు. అయితే, బిడ్డ ఇలా జన్మించడం వంటి ఘటనలు చాలా అరుదుగా జరుగుతుంటాయని, కాంటిజంటల్ లోపాల వల్ల ఇలా జరిగి ఉండవచ్చని వైద్యులు భావిస్తున్నారు. గతంలో మరెప్పుడూ లేనట్లుగా ఇలా ఒంటి కన్ను శిశువు జన్మించడంతో ఈ విషయం స్థానికులు వింతగా చెప్పుకుంటున్నారు.