నిజామాబాద్: యువకుడి అజాగ్రత్త.. చిన్నారి అక్కడికక్కడే మృతి.. సీసీటీవీ వీడియో

నిజామాబాద్‌లోని కంఠేశ్వర్ ప్రాంతంలోని విషాదం చోటు చేసుకుంది. స్థానిక శివం అపార్ట్‌మెంట్‌లోని పార్కింగ్ సెల్లార్‌లో ఓ యువకుడి అజాగ్రత్త చిన్న పాప మరణానికి దారితీసింది. కారు ముందున్న చిన్నారిని చూసుకోకుండా బండి నడపడంతో ఆమె అక్కడికక్కడే ప్రాణాలు కోల్పోయారు. వాచ్‌మెన్‌గా విధులు నిర్వహిస్తున్న వ్యక్తి.. తన కుటుంబంతో కలిసి అపార్ట్‌మెంట్‌ సెల్లార్‌లో నివాసముంటున్నాడు.

అక్కడే అపార్ట్‌మెంట్‌ వాసుల బైకులు, కార్లు పార్క్‌ చేస్తున్నారు. ఎప్పటిలాగే 18 నెలల చిన్నారి మనస్వి తన ఇంటి ముందు సెల్లార్‌లో ఆడుకుంటోంది. ఆమె అక్కడే పార్క్‌ చేసి ఉన్న కార్ల వద్దకు వెళ్లింది. అంతలోనే ఓ వ్యక్తి తన కారును స్టార్ట్‌‌ చేసుకుని ముందుకువెళ్లడంతో చక్రాల కింద పడి మనస్వి నలిగిపోయింది. అక్కడికక్కడే చనిపోయింది. కారు డ్రైవర్‌ నిర్లక్ష్యం, కుటుంబ సభ్యులు పాపను గమనించకపోవడంతో ఈ ఘోరం జరిగిపోయింది.