కూతురితో అలా ప్రవర్తించిన తండ్రికి 6 ఏళ్ల జైలు

కామంతో కళ్లు మూసుకుపోతూ మద గజం మాదిరిగా ప్రవర్తించిన ఓ కన్న తండ్రికి కోర్టు ఆరేళ్ల శిక్ష విధించింది. వావి వరసలు మరిచి కుమార్తెపైనే అసభ్యంగా ప్రవర్తించినందుకు నిందితుడికి తగిన శాస్తి జరిగిందని బాధితురాలు తరపు బంధువులు అంటున్నారు. 2017లో జరిగిన ఈ ఘటనలో రెండేళ్ల విచారణ అనంతరం.. న్యాయమూర్తి శనివారం తీర్పు వెలువరించారు. ఈ వివరాలను మంగళ్‌హాట్ పోలీసులు వెల్లడించారు.

Also Read: అలకబూనిన వీహెచ్‌, పొన్నాల లక్ష్మయ్య

హైదరాబాద్‌ నగరంలో నివసిస్తున్న ఓ వ్యక్తి (45)కి ఆయన భార్యకు మధ్య విభేదాలు రావడంతో వారిద్దరూ విడివిడిగా ఉంటున్నారు. వీరికి 15 ఏళ్ల కుమార్తె ఉంది. భార్య తన తల్లిదండ్రుల వద్దే ఉంటోంది. తల్లి వద్దే ఉండి కుమార్తె చదువుకుంటోంది. అప్పుడప్పుడూ తండ్రి వద్దకు వెళ్లి వస్తూ ఉండేది. ఈ క్రమంలో 2017లో ఓ సారి తండ్రి వద్దకు వెళ్లిన కూతురుకు చేదు అనుభవం ఎదురైంది. ఇంటికి వచ్చిన ఆమె పట్ల తండ్రి అసభ్యకరంగా ప్రవర్తించాడు. తండ్రి వేధింపులు భరించలేని కూతురు వెంటనే తల్లికి ఫోన్‌ చేసి విషయం చెప్పింది. దీంతో తల్లీ కూతుళ్లిద్దరూ కలిసి 2017 ఆగస్టులో పోలీసులకు ఫిర్యాదు చేశారు. దీనిపై కేసు నమోదు చేసిన పోలీసులు పక్కా ఆధారాలతో కీచక తండ్రిని కోర్టులో హాజరుపర్చారు.

Also Read: ఎన్‌కౌంటర్లు పరిష్కారం కాదు: కోదండరాం

అనేక వాయిదాల అనంతరం, శనివారం నిందితుడికి ఆరు సంవత్సరాలు జైలు శిక్ష, రూ.వెయ్యి జరిమానా విధిస్తూ ప్రత్యేక సెషన్స్‌ న్యాయమూర్తి తీర్పు చెప్పారు. కన్న తండ్రే కుమార్తెపై వేధింపులకు పాల్పడడం నేరమని, ఇలాంటి కీచకులు భయపడేలా శిక్షలు ఉంటేనే మహిళలు సురక్షితంగా ఉంటారని బాధితురాలి తరపు బంధువులు అభిప్రాయపడ్డారు.

Also Read: సీన్ రీ కన్‌స్ట్రక్షన్ అంటే ఏంటి.. ఎందుకు చేస్తారు? పూర్తి వివరాలు..