Double Bed Room: అమాయకుల కళ్లు కప్పి రూ.లక్షల్లో వసూలు.. ముఠా అరెస్టు

హైదరాబాద్‌లో డబుల్ బెడ్ రూం ఇళ్లు ఇప్పిస్తామని చెప్పి ప్రజల్ని మోసం చేస్తున్న ముఠాను జూబ్లీహిల్స్ పోలీసులు పోలీసులు అరెస్టు చేశారు. ఇళ్లు మంజూరు చేయిస్తామని నమ్మించి, ఏకంగా 75 మందికి ఈ ముఠా టోకరా వేయడం విస్మయం కలిగిస్తోంది. వీరిలో ఒక్కొక్కరి నుంచి రూ.15 వేల నుంచి రూ.18 వేల వరకూ వసూలు చేశారు. టీఆర్ఎస్ పార్టీ టోకెన్లు, జీహెచ్ఎంసీ ఫేక్ లెటర్లతో మోసాలకు పాల్పడినట్లుగా తెలుస్తోంది. ఇలాంటి ముఠాల నుంచి ప్రజలంతా అప్రమత్తంగా ఉండాలని పోలీసులు సూచిస్తున్నారు.

వెస్ట్ జోన్ డీసీపీ ఏఆర్ శ్రీనివాస్ తెలిపిన వివరాల ప్రకారం.. డబుల్ బెడ్ రూం ఇళ్లు ఇప్పిస్తానని మోసాలకు పాల్పడుతున్న నలుగురిని అరెస్ట్ చేశారు. నిందితులలో ఏ1 శేరియర్ ఆలీ పరారీలో ఉన్నాడని చెప్పారు. ఇతను జీహెచ్ఎంసీలో పని చేస్తున్నాడు. బాధితుల నుంచి ఈ ముఠా రూ.15 లక్షల వరకు వసూలు చేసింది. అందరి వద్దా డబుల్ బెడ్ రూం ఇళ్లు ఇప్పిస్తామని చెప్పి ముఠా సభ్యులు డబ్బులు వసూలు చేశారు.

Must Read: శాటిలైట్ రైల్వేస్టేషన్‌కు శంకుస్థాపన.. సభలో తలసానికి రైల్వే మంత్రి గట్టి కౌంటర్

సుమారు 75 మంది వద్ద ఒక్కొక్కరి నుంచి రూ.15 నుంచి రూ.18 వేల వరకు వసూలు చేశారని ఏఆర్ శ్రీనివాస్ వెల్లడించారు. నిందితుల నుంచి 10 ఫేక్ టీఆర్ఎస్ పార్టీ టోకెన్లు, నకిలీ పత్రాలను స్వాధీనం చేసుకున్నామని చెప్పారు. ఇలాంటి మోసగాళ్లు ఎవరైనా ప్రలోభపెట్టేందుకు ప్రయత్నిస్తే తమకు ఫిర్యాదు చేయాలని డీసీపీ సూచించారు.

Must Read: కరోనా ఎఫెక్ట్: రాష్ట్రంలో విద్యుత్ రంగానికి తీవ్ర ఇబ్బందులు

Also Read: పోలీసులకు కొణిదెల ఉపాసన పాఠాలు.. వైరల్ అవుతున్న పోస్ట్