వరవరరావు ఆరోగ్య పరిస్థితి విషమం.. భార్యకు జైలు అధికారుల ఫోన్

విరసం నేత వరవరరావు ఆరోగ్య పరిస్థితి విషమంగా ఉంది. భీమా కోరేగావ్ కేసులో వరవరరావు అరెస్ట్ అయ్యారు. ప్రస్తుతం ఆయన తలొజా జైల్‌లో ఉన్నారు. దీంతో వరవరరావు భార్యకు జైలు సిబ్బంది ఫోన్ చేసి సమాచారం అందించారు. ప్రస్తుతం తలొజా జైల్లో ఉన్న హాస్పిటల్‌లో చికిత్స అందిస్తున్నామని జైళ్ల శాఖ తెలిపింది. వరవరరావు గత కొంతకాలంగా అనారోగ్యంతో బాధపడుతున్నారు. ఆయన దాఖలు చేసిన బెయిల్ పిటిషన్‌ను లోయర్ కోర్టు కొట్టివేయగా.. మహారాష్ట్ర హైకోర్టులో బెయిల్ పిటీషన్‌ను వేశారు.

ప్రధాని మోడీపై హత్యకు కుట్ర చేశారనే ఆరోపణలతో వరవరరావు సహా ఐదుగురిపై పుణెలో కొద్ది నెలల కింద కేసు నమోదైంది. ఈ కేసుపై ప్రజా సంఘాల నేతలు సుప్రీంకోర్టును ఆదేశించడంతో వరవరరావును హైదరాబాద్‌లో గృహనిర్భందంలో ఉంచాలని అత్యున్నత న్యాయస్థానం సుప్రీంకోర్టు ఆదేశించింది. గృహనిర్భందానికి సంబంధించి వరవరరావు ఇటీవల హైకోర్టులో పిటీషన్ దాఖలు చేశారు. తనను అరెస్ట్ చేయకుండా ఆదేశాలు జారీ చేయాలంటూ హైకోర్టులో దాఖలు చేసిన క్వాష్ పిటిషన్ ను గతంలో హైకోర్టు కొట్టివేసింది. దీంతో వరవరరావును అదుపులోకి తీసుకున్న పూణే పోలీసులు ఆయనను ఇంట్లో అరగంట పాటు ఇంట్లో సోదాలు నిర్వహించారు. తర్వాత గాంధీ ఆసుపత్రిలో వైద్యపరీక్షలు చేయించి పుణె తరలించారు.