యోగ అధ్యయన్ శిబిర్ ఆన్‌లైన్ కోర్సు.. రామకృష్ణ మఠ్ దరఖాస్తుల ఆహ్వానం

హైదరాబాద్‌లోని రామకృష్ఠ మఠానికి చెందిన వివేకానంద ఇన్‌సిట్ట్యూట్ ఆఫ్ హ్యూమన్ ఎక్స్‌లెన్స్ ఆన్‌లైన్ సర్టిఫికెట్ కోర్సులను నిర్వహిస్తోంది. ప్రస్తుతం ‘యోగ అధ్యయన్ శిబిర్’సర్టిఫికెట్ కోర్సులో ప్రవేశానికి దరఖాస్తులు ఆహ్వానిస్తోంది. ఔత్సాహవంతులైన యువకులు, ప్రొఫెషనల్స్ ఈ కోర్సులకు దరఖాస్తు చేసుకోవచ్చు. నాలుగు నెలల కాలపరిమితి కలిగిన ఈ కోర్సులో ఆన్‌లైన్ ద్వారా తరగతులు నిర్వహిస్తారు.

థియరీ తరగతుల్లో స్వామీజీ బోధమాయనంద స్వామి... వివేకానందుడు ప్రవచించిన నాలుగు యోగాలు, ఆధునిక జీవనానికి భగవద్గీత బోధన, యోగాసనాలు, ప్రాణాయామ బోధిస్తారు. మహిళలు, పురుషులకు వేర్వేరుగా వారాంతాల్లోనే తరగతులు నిర్వహిస్తారు. ప్రతి శనివారం రాత్రి 7.00 గంటల నుంచి 8.00 గంటల వరకు, ఆదివారం సాయంత్రం 5.00 నుంచి 6.15 గంటలకు వరకు తరగతులు నిర్వహిస్తారు. కోర్సు ఫీజు కింద రూ.2,000 చెల్లించాలి. దీనికి సంబంధించిన ప్రవేశ ప్రక్రియ ప్రారంభమైనట్టు వివేకానంద ఇన్‌సిట్ట్యూట్ ఆఫ్ హ్యూమన్ ఎక్స్‌లెన్స్ తెలిపింది.

లాక్‌డౌన్‌ నేపథ్యంలో ఆన్‌లైన్‌ కోర్సులకు భారీ డిమాండ్‌ ఏర్పడింది. ఈ నేపథ్యంలో యోగాసనాల ద్వారా కరోనాను నియంత్రించవచ్చని పేర్కొంది. ఇందుకు అవసరమైన ప్రత్యేక యోగాసనాలకు సంబంధించి తరగతులు నిర్వహిస్తున్నట్లు తెలిపింది. ఔత్సాహిక అభ్యర్థులు దరఖాస్తు చేసుకోవచ్చని ఓ ప్రకటనలో పేర్కొంది.

పతంజలి మహర్షి అష్టాంగ యోగ సూత్రాలు, ప్రాణాయామ/ ముద్ర నైపుణ్యాలు, సూర్య నమస్కారాలు, క్లిష్టమైన ఆసనాల్లో మెళకువలు, మెడిటేషన్, స్వామి వివేకానందుడి తెలిపిన యోగసాధనాలు, రోజువారీ జీవితంలో భగవద్గీత వినియోగం తదితరాలను కోర్సులో భాగంగా తెలియజేస్తారు.