హైదరాబాద్‌లో మరో 45 బస్తీ దవాఖానాలు.. తలసాని వెల్లడి

పేద, మధ్య తరగతి వారి సౌలభ్యం కోసం మే 22 నుంచి గ్రేటర్‌ హైదరాబాద్‌ పరిధిలో మరో 45 బస్తీ దవాఖానాలు ప్రారంభిస్తామని మంత్రి తలసాని శ్రీనివాస్‌ యాదవ్‌ వెల్లడించారు. హైదరాబాద్‌లో 22, మేడ్చల్‌ జిల్లాలో 15, రంగారెడ్డిలో 5, సంగారెడ్డిలో 3 బస్తీ దవాఖానాలు ప్రారంభించనున్నట్లు ఆయన వివరించారు. ఇప్పటి వరకూ గ్రేటర్‌ హైదరాబాద్ పరిధిలో 123 బస్తీ దవాఖానాలు ఉన్నాయని గుర్తు చేశారు. ఈ దవాఖానాల వల్ల ప్రతి రోజూ పది వేల మందికి వైద్య సౌకర్యాలు అందుతున్నాయని వెల్లడించారు. బుధవారం మంత్రి తలసాని మీడియాతో మాట్లాడారు.

కొత్తగా ఏర్పాటు చేస్తున్న బస్తీ దవాఖానాలతో అదనంగా మరో 4 వేల మందికి వైద్య సేవలు అందుబాటులోకి వస్తాయని వివరించారు. ఒక్కో బస్తీ దవాఖానాలో ఓ డాక్టర్‌తో పాటు నర్సు, సహాయకుడు ఉంటారని మంత్రి తలసాని శ్రీనివాస్‌ యాదవ్‌ వివరించారు.