Apollo Tyres: తెలంగాణ ప్రభుత్వ సహకారంతో హైదరాబాద్‌లో డిజిటల్ ఇన్నోవేషన్ సెంటర్ (Digital Innovation Center) ప్రారంభించనున్నట్లు అపోలో టైర్స్ లిమిటెడ్ ప్రకటించింది. స్విట్జర్లాండ్‌లోని దావోస్ (Davos Summit) వేదికగా జరగుతున్న ప్రపంచ ఆర్థిక సదస్సు వేదికగా.. తెలంగాణ ఐటీ మంత్రి కేటీఆర్ సమక్షంలో రాష్ట్ర ప్రభుత్వం తరపున పరిశ్రమల శాఖ ముఖ్య కార్యదర్శి జయేశ్ రంజన్, అపోలో టైర్స్ లిమిటెడ్ వీసీ, మేనేజింగ్ డైరెక్టర్ నీరజ్ కన్వర్ ఒప్పందం కుదుర్చుకున్నారు. లండన్ తర్వాత తమ రెండో డిజిటల్ ఇన్నేవేషన్ సెంటర్‌ను హైదరాబాద్‌లో ఏర్పాటు చేస్తున్నట్లు అపోలో సంస్థ ప్రతినిధులు స్పష్టం చేశారు.
రూ.750 కోట్లు పెట్టుబడి పెట్టనున్న మరో కేంద్రం
బ్యాటరీల తయారీలో అంతర్జాతీయంగా ఎంతో పేరున్న అలాక్స్ అడ్వాన్స్ మెటీరియల్స్ ప్రైవేట్‌ లిమిటెడ్ రూ.750 కోట్ల పెట్టబడితో తెలంగాణలో మల్టీ గిగావాట్ లిథియం క్యాథోడ్ మెటీరియల్ తయారీ కేంద్రం ఏర్పాటు చేయనుంది. ఈ కేంద్రంలో లిథియం ఐరన్ ఫాస్పేట్ యాక్టివ్ బ్యాటరీలను ఉత్పత్తి చేయనున్నారు. ప్రపంచ ఆర్థిక సదస్సులో భాగంగా దావోస్‌లో మంత్రి కేటీఆర్ సమక్షంలో అలాక్స్ సంస్థ ప్రతినిధులు ఈ మేరకు తెలంగాణ ప్రభుత్వంతో ఎంవోయూ కుదుర్చుకున్నారు.
మొదట రూ. 210 కోట్ల పెట్టుబడితో మూడు గిగావాట్ల సామర్థ్యంతో లిథియం ఐరన్ ఫాస్పేట్ బ్యాటరీలను ఉత్పత్తి చేయనున్నట్లు అలాక్స్ సంస్థ ప్రతినిధులు వెల్లడించారు. భవిష్యత్తులో 10 గిగావాట్ల సామర్థ్యానికి పెంచి 2030 నాటికి మొత్తంగా రూ.750 కోట్లు పెట్టుబడిగా పెట్టనున్నట్లు అలాక్స్ సంస్థ ప్రతినిధులు చెప్పారు. ఈ కేంద్రం ద్వారా సుమారు 600 మంది నిపుణులకు ఉద్యోగ అవకాశాలు లభిస్తాయని చెప్పారు. ఈ కేంద్రాన్ని తెలంగాణలో ఏర్పాటు చేయనుండటం పట్ల మంత్రి కేటీఆర్ హర్షం వ్యక్తం చేశారు.
రూ.750 కోట్లు పెట్టుబడి పెట్టనున్న మరో కేంద్రం
బ్యాటరీల తయారీలో అంతర్జాతీయంగా ఎంతో పేరున్న అలాక్స్ అడ్వాన్స్ మెటీరియల్స్ ప్రైవేట్‌ లిమిటెడ్ రూ.750 కోట్ల పెట్టబడితో తెలంగాణలో మల్టీ గిగావాట్ లిథియం క్యాథోడ్ మెటీరియల్ తయారీ కేంద్రం ఏర్పాటు చేయనుంది. ఈ కేంద్రంలో లిథియం ఐరన్ ఫాస్పేట్ యాక్టివ్ బ్యాటరీలను ఉత్పత్తి చేయనున్నారు. ప్రపంచ ఆర్థిక సదస్సులో భాగంగా దావోస్‌లో మంత్రి కేటీఆర్ సమక్షంలో అలాక్స్ సంస్థ ప్రతినిధులు ఈ మేరకు తెలంగాణ ప్రభుత్వంతో ఎంవోయూ కుదుర్చుకున్నారు.
మొదట రూ. 210 కోట్ల పెట్టుబడితో మూడు గిగావాట్ల సామర్థ్యంతో లిథియం ఐరన్ ఫాస్పేట్ బ్యాటరీలను ఉత్పత్తి చేయనున్నట్లు అలాక్స్ సంస్థ ప్రతినిధులు వెల్లడించారు. భవిష్యత్తులో 10 గిగావాట్ల సామర్థ్యానికి పెంచి 2030 నాటికి మొత్తంగా రూ.750 కోట్లు పెట్టుబడిగా పెట్టనున్నట్లు అలాక్స్ సంస్థ ప్రతినిధులు చెప్పారు. ఈ కేంద్రం ద్వారా సుమారు 600 మంది నిపుణులకు ఉద్యోగ అవకాశాలు లభిస్తాయని చెప్పారు. ఈ కేంద్రాన్ని తెలంగాణలో ఏర్పాటు చేయనుండటం పట్ల మంత్రి కేటీఆర్ హర్షం వ్యక్తం చేశారు.
- Read More Telangana News And Telugu News