పేపర్ లీక్ కేసులో బిగ్ ట్విస్ట్.. ఏ1గా బండి సంజయ్.. రిమాండ్ రిపోర్టులో కీలక అంశాలు

రాష్ట్రంలో సంచలనంగా మారిన టెన్త్ పేపర్ లీకేజీ కేసులో.. బీజేపీ రాష్ట్ర అధ్యక్షుడు బండి సంజయ్ అరెస్ట్ అగ్గిరాజేస్తుంది. ఈ క్రమంలోనే.. ఆయనను మంగళవారం అర్థరాత్రి అరెస్ట్ చేసిన పోలీసులు.. ఇవాళ నాటకీయ పరిణామాల మధ్య వరంగల్‌లోని న్యాయస్థానంలో హాజరుపర్చేందుకు తీసుకొచ్చారు. అయితే.. ఈ క్రమంలోనే బండి సంజయ్‌కు సంబంధించిన రిమాండ్ రిపోర్టు బయటకు రాగా.. కీలక అంశాలు వెలుగు చూశాయి. పేపర్ లీకేజీ కేసులో నిన్నటివరకు ఏ-5గా పేర్కొన్న బండి సంజయ్ పేరును.. రిమాండ్ రిపోర్టులో మాత్రం ఏ1గా పేర్కొన్నారు. ఏ2గా బూర ప్రశాంత్, ఏ3గా మహేశ్, ఏ4గా మైనర్ బాలుడు, ఏ5 మోతం శివగణేశ్, ఏ6 పోగు సురేశ్, ఏ7గా పోగు శంశాంక్, ఏ8గా దూలం శ్రీకాంత్ , ఏ9గా పెరుమాండ్ల శార్మిక్, ఏ10గా వసంత్‌ను పోలీసులు పేర్కొన్నారు. ఈ కేసులో ప్రశాంత్ పేపర్ లీకేజ్ అయినట్లుగా వాట్సాప్‌లో ప్రచారం చేశారు. ప్రశాంత్ 10:41కి హిందీ పేపర్‌ను ఈటల రాజేందర్‌కు పంపించారు. అనంతరం 11:24 నిమిషాలకు బండి సంజయ్‌కి పేపర్‌ని పంపించారు. హిందీ పేపర్ వాట్సాప్‌లో పంపిన తర్వాత ప్రశాంత్ 149 మందితో మాట్లాడినట్లుగా పోలీసులు గుర్తించారు. ప్రభుత్వానికి చెడ్డ పేరు తేవాలనే బండి సంజయ్, ప్రశాంత్ ఇద్దరు కుట్రపన్నినట్లుగా పోలీసులు గుర్తించారు. 9 గంటల 30 నిమిషాలకు పేపర్ లీకేజ్ అయినట్లుగా ప్రశాంత్ వాట్సాప్ గ్రూప్‌లో తప్పుడు ప్రచారం మొదలుపెట్టాడు. ఈ కేసులో మరి కొంతమంది కీలక సాక్షులను విచారించవల్సి ఉందని రిమాండ్ రిపోర్టులో వెల్లడించారు.

తెలంగాణలో రానున్న మూడు రోజులు భారీ వర్ష సూచన.. జాగ్రత్తగా ఉండండి..!

• Read More Telangana News And Telugu News