భద్రాద్రి రామాలయ పూజారికి కరోనా పాజిటివ్

భద్రాద్రి జిల్లాల్లో కరోనా వైరస్ విజృంభిస్తోంది. తాజాగా రామయ్య సన్నిధిలో పని చేస్తున్న ఒక అర్చకుడికి కోవిడ్ పాజిటివ్‌గా నిర్ధారణ అయ్యింది. దీంతో ఆలయంలో పని చేస్తున్న వారిలో కరోనా బారిన పడిన వారి సంఖ్య రెండుకు చేరింది. ఇది వరకు ఆలయ ఉద్యోగి ఒకరికి వైరస్ సోకింది. ఒకరి తర్వాత మరొకరు కరోనా బారిన పడుతుండటంతో.. ఆలయంలో పని చేస్తున్న వారందరికీ టెస్టులు చేయాలని రామాలయ సిబ్బంది కోరుతున్నారు.

భద్రాద్రి కొత్తగూడెం జిల్లాలో గత కొద్ది రోజులుగా కరోనా వ్యాప్తి తీవ్రమైంది. కొత్తగూడెం, పాల్వంచ పట్టణాల్లో ఎక్కువగా కేసులు నమోదవుతున్నాయి. శుక్రవారం భద్రాది జిల్లాలో కొత్తగా 79 కరోనా కేసులను గుర్తించారు. గత వారం రోజుల్లోనే జిల్లాలో 335 కేసులు నమోదయ్యాయి.

కరోనా బారిన పడి జిల్లాకు చెందిన యువ వైద్యాధికారి ప్రాణాలు కోల్పోయారు. డిప్యూటీ డీఎంహెచ్‌వో డాక్టర్ జి. నరేశ్ కుమార్ హైదరాబాద్‌లో కోవిడ్ చికిత్స పొందుతూ శుక్రవారం చనిపోయారు. ఆయన మణుగూరు క్వారంటైన్ సైంటర్ ఇంఛార్జిగా వ్యవహరించారు.