ఎమ్మెల్యే సీతక్కను వెనక్కి పంపించిన పోలీసులు

లాక్‌డౌన్ ప్రారంభమైన నాటి నుంచి ములుగు ఎమ్మెల్యే సీతక్క గిరిజనులకు నిత్యావసరాలను సరఫరా చేస్తున్న సంగతి తెలిసిందే. కిలోమీటర్ల దూరం నడుస్తూ.. వాగులు, వంకటను దాటుతూ.. రాళ్ల గుట్టలను ఎక్కుతూ ఆమె మారుమూల ప్రాంతాల్లోని గిరిజన గ్రామాలను సందర్శిస్తున్నారు. లాక్‌డౌన్ కారణంగా ఇబ్బందులు పడుతున్న వారికి నిత్యావసరాలను సరఫరా చేస్తున్నారు. గిరిజనులకు సాయం చేయడం కోసం ఆమె పడుతున్న తపన సోషల్ మీడియాలో వైరల్ అయ్యింది.

కాగా శనివారం భద్రాద్రి కొత్తగూడెం జిల్లా టేకుపల్లి మండలంలోని గిరిజన గ్రామాలకు వెళ్లిన సీతక్కను పోలీసులు వెనక్కి పంపారు. నిత్యావసరాలను పంపిణీ చేయడానికి అనుమతి లేదన్నారు. గిరిజన ప్రాంతాల నుంచి ఆమెను వెనక్కి వెళ్లమని సూచించారు.