Bhupalpally: మరో ఫారెస్ట్ రేంజ్ ఆఫీసర్ మృతి.. దైవదర్శనానికి కాలినడకన వెళ్తుండగా..

Bhupalpally: భద్రాద్రి కొత్తగూడెంలో గుత్తికోయల చేతిలో ఫారెస్ట్ రేంజర్ శ్రీనివాసరావు దారుణ హత్యకు గురైన ఘటన మరువక ముందే మరో అటవీ అధికారి మృతి చెందాడు. జగిత్యాల జిల్లా కోరుట్లకు చెందిన సాయి ప్రసాద్.. జయశంకర్ భూపాలపల్లి జిల్లాలోని మహదేవ్‌పూర్ డిప్యూటీ రేంజ్ అధికారిగా బాధ్యతలు నిర్వర్తిస్తున్నారు. అయితే.. సాయి ప్రసాద్ కుటుంబంతో పాటు వెంకన్న దర్శనం కోసం తిరుపతి వెళ్లాడు. కాలినడకన కొండ ఎక్కుతానని మొక్కుకున్న సాయి ప్రసాద్.. తన పయాణాన్ని ప్రారంభించారు. అయితే.. అలిపిరి నడకమార్గంలో వెళ్తున్న సాయి ప్రసాద్‌కు ఒక్కసారిగా గుండెపోటు వచ్చింది. గమనించిన కుటుంబ సభ్యులు అక్కడున్న సిబ్బంది సహాయంతో.. తిరుపతి స్విమ్స్ ఆస్పత్రికి తరలిస్తుండగా.. మార్గ మధ్యలోనే ప్రాణాలు విడిచాడు.సాయి ప్రసాద్ మృతదేహాన్ని రుయా ఆస్పత్రికి తరలించారు. సాయి ప్రసాద్‌‌కు 7ఏళ్ల వయసున్న కొడుకు, ఐదేళ్ల వయసున్న కూతురు ఉన్నారు. సాయి ప్రసాద్ మృతితో కుటుంబసభ్యువు గుండెలవిసేలా రోధిస్తున్నారు. గతంలో వేములవాడ సమీపంలోని రుద్రంగిలో సెక్షన్ ఆఫీసర్‌గా విధులు నిర్వహించిన సాయి ప్రసాద్.. నూతన జోనల్ విధానంలో భాగంగా ఈ మధ్యే మహదేవ్‌పూర్‌కు బదిలీ అయినట్టు తెలుస్తోంది. కుటుంబ సభ్యులతో కలిసి దైవదర్శనానికి వెళ్తుండగా.. ఈ ఘటన చోటుచేసుకోవటం అందరినీ కలచివేసింది. అందులోనూ.. ఓ అటవీ అధికారి మరణించిన రెండు రోజులకే ఇంకో అటవీ అధికారి మరణించటం మరింత విషాదాన్ని నింపింది.

• హైదరాబాద్ వాసులకు గుడ్‌న్యూస్.. ప్రారంభమైన మరో ఫ్లైఓవర్

• ట్రాఫిక్ పోలీసుల కొత్త రూల్స్.. ఇకనుంచి వాళ్లకు మాత్రం బ్యాండ్ బాజానే..!

• Read More Telangana News and Telugu News