మోత్కుపల్లి నర్సింహులకు కరోనా... పరిస్థితి విషమం

మాజీ మంత్రి, బిజెపి నాయకుడు మోత్కుపల్లి నర్సింహులు కరోనా బారిన పడ్డారు. దీంతో ఆయన ఆరోగ్య పరిస్థితి విషమంగా ఉంది. కరోనా సోకిన ఆయనకు వెంటిలేటర్ పై వైద్యులు చికిత్స అందిస్తున్నారు. పాజిటివ్ నిర్థారణ కావడంతో వారం రోజుల క్రితం ఆయనను నగరంలోని ఒక ప్రైవేటు హాస్పిటల్ లో చేర్చారు. వైద్యులు నిరంతరం పర్యవేక్షిస్తున్నప్పటికీ ఆరోగ్యం మెరుగు కాలేదు. ఆయన ఆరోగ్య పరిస్థితి రోజురోజుకు దిగజారుతున్నది. దీంతో ఆయనకు వెంటిలేటర్ పై చికిత్స అందిస్తున్నారు.

టీడీపీ హయాంలో మోత్కుపల్లి మంత్రిగా పనిచేశారు. రాష్ట్ర విభజన అనంతరం అధినేత చంద్రబాబుతో విభేదించారు. 2008లో జరిగిన అసెంబ్లీ ఎన్నికల్లో ఆలేరు అసెంబ్లీ నియోజకవర్గం నుంచి పోటీ చేసి ఓటమి పాలయ్యారు. టీడీపీని టీఆర్‌ఎస్‌లో విలీనం చేయాలని ఎన్‌టీఆర్‌ ఘాట్‌ వద్ద సంచలన ప్రకటన చేసి టీడీపీ నుంచి బహిష్కరణకు గురయ్యారు. ఈ ఏడాది జనవరిలో ఆయన బీజేపీలో చేరారు.