ప్రముఖ కేబుల్ టీవీ, బ్రాడ్ బ్యాండ్ ఇంటర్నెట్ సేవల సంస్థ అయిన హాత్వే డిజిటల్ మాజీ డైరెక్టర్, వెంకటసాయి మీడియా ప్రైవేట్ లిమిటెడ్ అధినేత చెలికాని రాజశేఖర్ గుండెపోటుతో మరణించారు. హైదరాబాద్లోని ఓ ప్రైవేటు ఆసుపత్రిలో శనివారం ఆయన తుదిశ్వాస విడిచారు. కేబుల్ టీవీ, బ్రాడ్ బ్యాండ్ ఇంటర్నెట్ సర్వీసు రంగంలో రాజశేఖర్ సుదీర్ఘ కాలంగా సేవలందిస్తూ ఉన్నారు. ఆంధ్రప్రదేశ్ ఎంఎస్వోల సంఘం అధ్యక్షుడిగానూ రాజశేఖర్ పనిచేశారు. ఆల్ఇండియా బాల్ బ్యాడ్మింటన్ ఫెడరేషన్లో కీలక బాధ్యతలు నిర్వహించారు. రాజశేఖర్ మృతి పట్ల బ్రైట్వే కమ్యూనికేషన్స్ సంస్థ సంతాపం ప్రకటించింది. తెలంగాణ ఎంఎస్వోల అసోసియేషన్, కేబుల్ ఆపరేటర్స్ అసోసియేషన్ దిగ్భ్రాంతి వ్యక్తం చేశాయి.
బండి సంజయ్ సంతాపం
హాత్ వే డిజిటల్ కేబుల్ మాజీ డైరెక్టర్ రాజశేఖర్ మృతిపై ఎంపీ బండి సంజయ్ స్పందించారు. హాత్ వే రాజశేఖర్గా ఉమ్మడి రాష్ట్రంలో పేరు గాంచిన చెలికాని రాజశేఖర్ ఆకస్మిక మరణం తీవ్ర దిగ్భ్రాంతికి గురి చేసిందని అన్నారు. హైదరాబాద్ సహా పరిసర ప్రాంతాల్లో హాత్ వేను ప్రజలకు చేరువ చేయడంలో రాజశేఖర్ కీలకపాత్ర పోషించారని సంజయ్ అన్నారు.
బండి సంజయ్ సంతాపం
హాత్ వే డిజిటల్ కేబుల్ మాజీ డైరెక్టర్ రాజశేఖర్ మృతిపై ఎంపీ బండి సంజయ్ స్పందించారు. హాత్ వే రాజశేఖర్గా ఉమ్మడి రాష్ట్రంలో పేరు గాంచిన చెలికాని రాజశేఖర్ ఆకస్మిక మరణం తీవ్ర దిగ్భ్రాంతికి గురి చేసిందని అన్నారు. హైదరాబాద్ సహా పరిసర ప్రాంతాల్లో హాత్ వేను ప్రజలకు చేరువ చేయడంలో రాజశేఖర్ కీలకపాత్ర పోషించారని సంజయ్ అన్నారు.