యాప్నగరం

టీఎస్ఆర్టీసీ నుంచి కార్గో సేవలు షురూ.. ప్రారంభించిన మంత్రి

Puvvada Ajay Kumar: ప్రజారవాణా విషయంలో ప్రత్యేక గుర్తింపు పొందిన తెలంగాణ రాష్ట్ర రోడ్డు రవాణా సంస్థ ఇప్పటికే మెరుగైన సేవలు అందిస్తున్నట్టుగానే కార్గో సేవలు కూడా అందిస్తుందని మంత్రి పువ్వాడ చెప్పారు.

Samayam Telugu 19 Jun 2020, 11:05 pm
టీఎస్ఆర్టీసీలో పార్శిల్ సేవల కోసం కార్గో సర్వీసులను శుక్రవారం మంత్రి పువ్వాడ అజయ్ కుమార్ ప్రారంభించారు. శుక్రవారం ఖైరతాబాద్‌లోని ట్రాన్స్‌పోర్ట్‌ భవన్‌ నుంచి బస్సులను ఆయన ప్రారంభించారు. పార్శిల్‌ కొరియర్‌ సేవల వివరాలు సంస్థలో చేపట్టిన కార్యాచారణ ప్రణాళికలకు సంబంధించిన విషయాలతో రూపొందించిన కరపత్రాన్ని మంత్రి ఈ సందర్భంగా ఆవిష్కరించారు. వేగంగా, భద్రంగా, చేరువగా అనే ట్యాగ్‌లైన్‌తో ఈ సేవలు అందుబాటులోకి వచ్చాయని మంత్రి చెప్పారు. కార్గో సేవలను విస్తృతపరిచేందుకు అవసరమైన వ్యూహం సిద్ధం చేయాలని అధికారులను ఆదేశించారు. సీఎం కేసీఆర్‌ ఆదేశాల మేరకు అన్ని ప్రాంతాల ప్రజలకు రవాణా సౌకర్యం కల్పించినట్టుగానే, సరకు రవాణా కూడా చేయాలని వెల్లడించారు.
Samayam Telugu పువ్వాడ అజయ్ కుమార్
Puvvada


ఈ సందర్భంగా మంత్రి పువ్వాడ మాట్లాడారు. ప్రజారవాణా విషయంలో ప్రత్యేక గుర్తింపు పొందిన తెలంగాణ రాష్ట్ర రోడ్డు రవాణా సంస్థ ఇప్పటికే మెరుగైన సేవలు అందిస్తున్నట్టుగానే కార్గో సేవలు కూడా అందిస్తుందని చెప్పారు. సంస్థ ఆర్ధికంగా బలపడేందుకు పలు కార్యాచరణ ప్రణాళికలు రూపొందిస్తున్నట్లు వెల్లడించారు. కొవిడ్‌-19 లాక్‌డౌన్‌ పరిస్థితుల్లో ఆర్టీసీ ఆదాయం పడిపోవడం, ఆపై లాక్‌డౌన్‌ సడలింపుల తర్వాత కూడా ప్రయాణికుల సంఖ్య పుంజుకోకపోవడంతో సంస్థ ఆదాయం గణనీయంగా తగ్గిపోయిందని పువ్వాడ తెలిపారు.

Also Read: undefined

ప్రత్యామ్నాయ మార్గాల్లో ఆదాయం పెంచుకునేందుకు, విపత్కర పరిస్థితులను అధిగమించడానికి ఆర్టీసీ పూనుకుందని మంత్రి తెలిపారు. ఈ కార్యక్రమంలో రవాణాశాఖ ముఖ్య కార్యదర్శి, ఆర్టీసీ ఎండీ సునీల్‌శర్మ, రవాణాశాఖ కమిషనర్‌ ఎంఆర్‌ఎం రావు, తదితరులు పాల్గొన్నారు.

Must Read: తల్లికి మందుల కోసం కరోనా శవాలకు అంత్యక్రియలు

Must Read: భారత్-చైనా ఘర్షణకు అసలు కారణాలివే.. మోదీకి కేసీఆర్ కీలక సూచనలు

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.