Bhatti Vikramarka: తన సిబ్బంది కోసం వంట చేసిన భట్టి విక్రమార్క.. పాదయాత్రలో ఇంట్రెస్టింగ్ సీన్..

Bhatti Vikramarka: సీఎల్పీ నేత భట్టి విక్రమార్క ప్రస్తుతం పాదయాత్ర చేస్తున్నారు. ఆయన పాదయాత్ర సక్సెస్‌ఫుల్‌గా కొనసాగుతోంది. కాంగ్రెస్ నేతలు, కార్యకర్తలతో పాటు ప్రజలు ఆయన పాదయాత్రలో పాల్గొంటున్నారు. వచ్చే ఎన్నికల కోసం కాంగ్రెస్‌ను బలోపేతం చేయడం, కాంగ్రెస్‌ను అధికారంలోకి తీసుకురావడమే లక్ష్యంగా భట్టి విక్రమార్క పాదయాత్ర సాగుతోంది. రేవంత్ రెడ్డి పాదయాత్ర ముగిసిన నేపథ్యంలో ఇప్పుడు భట్టి పాదయాత్ర కాంగ్రెస్ పార్టీకి ఎంతవరకు కలిసొస్తుందనే చర్చ రాజకీయ వర్గాల్లో జరుగుతోంది.అయితే పాదయాత్రలో భట్టి విక్రమార్క సందడి చేస్తోన్నారు. శనివారం రాత్రి జోరువాన, ఈదురుగాలులు వీయడంతో పాదయాత్రలో భాగంగా రాత్రి విశ్రాంతి కోసం ఏర్పాటు చేసిన టెంట్లు కూలిపోయాయి. దీంతో ఆదివారం ఉదయం తన సిబ్బంది, తనతో పాదయాత్రగా నడిచే వారికోసం భట్టి విక్రమార్క అల్పాహారం సిద్దం చేశారు. గరిటె తిప్పుతూ అల్పాహారం రెడీ చేశారు. ఈ సన్నివేశాన్ని అక్కడ ఉన్నవారందరూ ఆసక్తిగా చూశారు. భట్టి వంట చేయడంతో అందరూ ఆశ్చర్యపోయారు.

భట్టి వంట చేసిన వీడియో, ఫొటోలు ప్రస్తుతం సోషల్ మీడియాలో వైరల్‌గా మారుతున్నాయి. పాదయాత్రలో భాగంగా ప్రజల సమస్యలను భట్టి విక్రమార్క తెలుసుకుంటున్నారు. కాంగ్రెస్ అధికారంలోకి వస్తే ఎలాంటి కార్యక్రమాలు అమలు చేస్తామనే దానిపై ప్రజలకు హామీలు ఇస్తున్నారు. వచ్చే ఎన్నికల్లో కాంగ్రెస్‌ను అధికారంలోకి తీసుకురావాలని ప్రజలను కోరుతున్నారు. అయితే పాదయాత్రలో భాగంగా భట్టి చేసే పనులు ఆసక్తికరంగా మారుతున్నాయి. ఇటీవల పోలం దగ్గర ఆయన స్నానం చేయడం, వేపపుల్లతో దంతాలు తొముకున్న వీడియోలు నెట్టింట చక్కర్లు కొట్టాయి. తాజాగా వంట చేసి వీడియో సోషల్ మీడియాలో ట్రెండింగ్‌గా మారింది.

• Read More Telangana News And Telugu News