చినజీయర్ స్వామిని కలిసిన సీఎం కేసీఆర్

చినజీయర్ స్వామిని ముఖ్యమంత్రి కే.చంద్రశేఖర్ రావు కలిశారు. బుధవారం సాయంత్రం శంషాబాద్‌లోని ముచ్చింతల్‌ ఆశ్రమానికి వెళ్లిన సీఎం.. కొండపోచమ్మ సాగర్ జలాశయం ప్రారంభోత్సవానికి చినజీయర్ స్వామిని ఆహ్వానించారు. కొండపోచమ్మ సాగర్ ప్రాజెక్టు ప్రారంభోత్సవం సందర్భంగా కేసీఆర్ అక్కడ యాగాలు చేయనున్నారు. ఈ నెల 29న ఆయన ఏకకాలంలో యాగాలు చేయనున్నట్లుగా సమాచారం. శుక్రవారం ఉదయం 7 గంటలకు కొండపోచమ్మ ఆలయంలో కేసీఆర్ పూజలు నిర్వహిస్తారు.

అదే సమయంలో ఛండీయాగం, సుదర్శనయాగం, గంగమ్మ పూజలు చేస్తారు. చండీయాగం పూర్ణాహుతిలో కేసీఆర్ దంపతులు పాల్గొంటారు. అనంతరం కొండపోచమ్మ సాగర్ పంప్ హౌస్‌ను కేసీఆర్ దంపతులు ప్రారంభిస్తారు.

ప్రగతి భవన్‌లో బుధవారం సీఎం కేసీఆర్ మంత్రులు, ఉన్నతాధికారులతో ఉన్నత స్థాయి సమీక్షా సమావేశం జరిపిన సంగతి తెలిసిందే. లాక్‌డౌన్‌, నియంత్రిత సాగు విధానం తదితర అంశాలపై చర్చ అనంతరం నేరుగా ఆయన వద్దకు బయల్దేరారు.

Must Read: undefined