నాయినిని చూసి కేసీఆర్ కన్నీళ్లు.. అపోలో హాస్పిటల్‌కు వెళ్లి పరామర్శ.. వీడియో

అత్యంత విషమ పరిస్థితుల్లో ఆస్పత్రిలో చికిత్స పొందుతున్న మాజీ హోంమంత్రి నాయిని నర్సింహరెడ్డిని ముఖ్యమంత్రి కేసీఆర్ పరామర్శించారు. ఇందుకోసం ఆయన ఫిల్మ్ నగర్‌లోని అపోలో ఆస్పత్రికి వెళ్లారు. ఊపిరితిత్తుల్లో నిమ్ము సమస్య (నిమోనియా) తో బాధపడుతున్న నాయిని నర్సింహరెడ్డి ప్రస్తుతం అపోలో ఆస్పత్రిలో ఐసీయూలో చికిత్స పొందుతున్నారు. 15 రోజుల క్రితం నాయినికి కరోనా పాజిటివ్‌ వచ్చింది.

దీంతో ఆయన బంజారాహిల్స్‌ ఎమ్మెల్యే క్వార్టర్స్‌లోని సిటీ న్యూరో ఆస్పత్రిలో తొలుత చేరి చికిత్స చేయించుకున్నారు. చికిత్స అనంతరం ఆయనకు నెగెటివ్‌ అని వచ్చింది. దీంతో పూర్తిగా కోలుకుంటున్న ఆయనకు మళ్లీ నిమోనియా వచ్చింది. శ్వాససంబంధ సమస్యలు తలెత్తడంతో జూబ్లీహిల్స్‌లోని అపోలో ఆస్పత్రిలో చేర్పించారు. ఇప్పటికే నాయిని నరసింహారెడ్డిని పలువురు టీఆర్ఎస్ నేతలు పరామర్శించిన సంగతి తెలిసిందే.