యాప్నగరం

తెలంగాణ అత్యంత చల్లగా మారిన వాతావరణం.. రానున్న నాలుగు రోజులు జాగ్రత్త అంటున్న వాతావరణ శాఖ

హైదరాబాద్‌తో పాటు మరికొన్ని జిల్లాల్లో కూడా ఇవాళ వర్షం కురిసింది.దీంతో ప్రజలు చలికి వణుకుతూ ఇళ్ల నుంచి కదలడం లేదు. మరోవైపు సీజనల్ వ్యాధుల భయం కూడా వెంటాడుతోంది.

Samayam Telugu 7 Jan 2021, 10:46 am
తెలంగాణలో వాతావరణం అత్యంత చల్లగా మారింది. ఇవాళ పలు ప్రాంతాల్లో తేలికపాటి వర్షం పడటంతో ఒక్కసారిగా ఉష్ణోగ్రతలు పడిపోయాయి. చలికి ప్రజలు గజ గజ వణుకుతున్నారు. ఇళ్ల నుంచి బటయకు వచ్చేందుకు ఇష్టపడటం లేదు. అయితే రానున్న మూడు నాలుగు రోజుల్లో చలి తీవ్రత పెరిగే అవకాశం ఉన్నట్టు హైదరాబాద్ వాతావరణ కేంద్రం అధికారులు పేర్కొన్నారు. బుధవారం హైదరాబాద్‌, నల్లగొండ, రంగారెడ్డి, యాదాద్రి భువనగిరి, జోగులాంబ గద్వాల, మేడ్చల్ మల్కాజ్‌గిరి, సంగారెడ్డి జిల్లాల్లో పలుచోట్ల తేలికపాటి నుంచి ఓ మోస్తరు వర్షం కురిసింది.
Samayam Telugu తెలంగాణలో పెరగనున్న చలి


కొమరిన్ ఏరియా నుంచి ఉత్తర తమిళనాడు వరకు గల్ఫ్ ఆఫ్ మన్నార్ మీదుగా 0.9 కిలోమీటర్ల ఎత్తు వరకు ఉపరితల ఆవర్తనం కొనసాగుతున్నది. ద్రోణితో తూర్పు దిశ నుంచి వేగంగా గాలులు వీస్తున్నాయి. బంగాళాఖాతంలోని తేమ దక్షిణ కోస్తా నుంచి తెలంగాణ మీదుగా రావడంతో ఆకాశం మేఘావృతమై గురువారం పలు చోట్ల ఓ మోస్తరు వర్షం కురిసే అవకాశం ఉన్నదని తెలిపారు. కొన్నిచోట్ల చలిగాలులు వీస్తన్నాయి. చల్లటి గాలులతో ప్రజలు వణుకుతున్నారు. అటు పొగమంచు కూడా కమ్మేసి ఉంటుంది.

Read More: భూమా అఖిల ప్రియ ప్రెగ్నెంట్.. ఇవాళ బెయిల్ రానుందా?

మరోవైపు బుధవారం అత్యల్పంగా ఆదిలాబాద్, కామారెడ్డి జిల్లాలో అత్యల్ప ఉష్ణోగ్రతలు నమోదు అయ్యాయి. ఆదిలాబాద్‌లో 14 డిగ్రీల కనిష్ఠ ఉష్ణోగ్రతలు నమోదవగా, కామారెడ్డిలో 15 డిగ్రీల కనిష్ఠ ఉష్ణోగ్రతలు నమోదు అయ్యాయి. ఇక సంగారెడ్డి, నిర్మల్, కుమురం భీమ్, వికారాబాద్, నిజామాబాద్, మంచిర్యాల, జగిత్యాల, రాజన్న సిరిసిల్ల జిల్లాలు సహా ఇతర జిల్లాల్లో కనిష్ఠ ఉష్ణోగ్రతలు నమోదు అయ్యాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.