వాహ్! కల్నల్‌ సంతోష్‌బాబు విగ్రహం చూస్తారా.. ప్రతిష్ఠకు రెడీ

భారత్-చైనా సరిహద్దు వివాదంలో ఇరు దేశాల బలగాల ఘర్షణలో అమరుడైన కల్నల్ సంతోష్ బాబు విగ్రహం తుది మెరుగులు దిద్దుకుంటోంది. కల్నల్ వీరమరణానికి గౌరవార్థం ఆయన స్వస్థలం సూర్యాపేటలో విగ్రహాన్ని ఏర్పాటు చేస్తామని రాష్ట్ర ప్రభుత్వం ప్రకటించిన సంగతి తెలిసిందే. ఇందులో భాగంగా విగ్రహం యుద్ధ ప్రాతిపదికన తయారవుతోంది. ఈ విగ్రహాన్ని ఆంధ్రప్రదేశ్‌లోని పశ్చిమ గోదావరి జిల్లాకు చెందిన శిల్పులు తయారు చేస్తున్నారు. దాదాపు విగ్రహ నిర్మాణం పూర్తిగా, చివరిగా దానికి తుది మెరుగులు చేస్తున్నారు. ఈ వీర జవాను విగ్రహాన్ని సూర్యాపేట పాత బస్టాండ్‌ జంక్షన్‌లో ఏర్పాటు చేయనున్నట్లుగా తెలుస్తోంది.


ఈ నెల 15న తూర్పు లఢక్ వద్ద గల గల్వాన్‌ లోయలో భారత సైనికుల పట్ల చైనా బలగాలు ఘర్షణకు దిగిన సంగతి తెలిసిందే. ఈ క్రమంలో సంతోష్‌బాబుతో పాటు మరో 19 మంది సైనికులు వీర మరణం పొందారు. దీంతో సూర్యాపేటకు చెందిన కల్నల్ సంతోష్ బాబు కుటుంబాన్ని తెలంగాణ ప్రభుత్వం అన్ని విధాలా ఆదుకుంది. కల్నల్ భార్యకు గ్రూపు-1 ఉద్యోగంతో పాటు బంజారాహిల్స్‌లో ఇంటి స్థలం, రూ.5 కోట్ల నగదు అందించిన సంగతి తెలిసిందే. సీఎం స్వయంగా వారి ఇంటికి వెళ్లి వీటిని అందించారు.

Also Read: undefined


Also Read: తెలంగాణ ధనిక రాష్ట్రమే.. అందులో డౌటే లేదు : కేసీఆర్