షబ్బీర్ అలీకి చేదు అనుభవం.. అడ్డుకున్న ఎంఐఎం.. ఉద్రిక్తత

చాదర్ ఘాట్ మూసీ పరివారక ప్రాంత వరద బాధిత ప్రాంతల ప్రజలను పరామర్శించి వారికి ఆహారాన్ని అందిచేందుకు వచ్చిన కాంగ్రెస్ నేత షబీర్ అలీని మజ్లీస్ పార్టీ నాయకులు అడ్డుకున్నారు. పాతబస్తీలో ఇతర పార్టీ నేతలు తిరగవద్దంటూ అడ్డుకోవడంతో ఉద్రిక్త వాతావరణం ఏర్పడింది. షబీర్ అలీ మాట్లాడుతూ మజ్లీస్ పార్టీ నేతల గుండా గిరి.. నగరంలో రోజురోజుకీ మితిమీరి పోతుందని విమర్శించారు.

ఐదు రోజుల నుంచి ఇబ్బందులు ఎదుర్కొంటున్న ముంపు ప్రాంతాలలో నివాసమున్న వరద బాధితులను పరామర్శించి వారికి ఆహారం, దుప్పట్లు, ఆర్థిక సహాయం అందించేందుకు వస్తే ఎంఐఎం పార్టీ నేతలు అడ్డుకోవడం దారుణం అని షబ్బీర్ అలీ మండిపడ్డారు. పార్టీలకు అతీతంగా మానవత్వంతో బాధితులను ఆదుకోవడానికి వచ్చిన వారిని అడ్డుకోవడాన్ని తీవ్రంగా ఖండిస్తున్నట్లు పేర్కొన్నారు. ఎంఐఎం నేతలు ఏ సాయమూ చేయకుండా ఇతరులను సైతం పెట్టకుండా చేస్తున్నారని అన్నారు. ఇది మంచి పద్ధతి కాదన్నారు. సంఘటనా స్థలానికి పోలీసులు చేరుకొని అందర్నీ చెదరగొట్టడంతో పరిస్థితి సద్దుమణిగింది.